ރޭ ހިނގިނުރައްކާތެރި ހާދިސާއެއްގައި ހިޔާ ފްލެޓްގެ ޓަވަރު 5 އިން 13 އަހަރުގެ ފިރިހެން ކުއްޖަކު ވެއްޓި ނިޔާވެއްޖެއެވެ. މި ހިތާމަވެރި ހާދިސާ ހިނގީ ރޭގަނޑު 1:26 ހާއިރުގައި ކަމަށް ފުލުހުން މަޢުލޫމާތު ދީފައި ވެއެވެ. އެ ޓަވަރުގެ 13 ވަނަ ފަންގިފިލާއިން ވެއްޓުނު ކުއްޖާ ހޮސްޕިޓަލަށް ގެންދިއުމުގެ ކުރިންވެސް ނިޔާވެފައިވާކަން ހޮސްޕިޓަލުން ފުލުހުންނަށް މައުލޫމާތު ދީފައި ވެއެވެ.
މި މައްސަލައިގެ ތަޙުޤީޤު ފުލުހުން ކުރިއަށް ގެންދާއިރު، މިއީ ހިޔާ ފްލެޓުން މިފަދަ ހާދިސާއެއް ހިނގި ފުރަތަމަ ފަހަރު ނޫންކަން ފާހަގަކުރެވެއެވެ. މީގެ ކުރިން، 2023 ވަނަ އަހަރުގެ އޮކްޓޯބަރު މަހު، ހިޔާ ފްލެޓުގެ އެޗް 6 ޓަވަރުގެ 12 ވަނަ ފަންގިފިލާއިން 15 އަހަރުގެ ފިރިހެން ކުއްޖަކުވެސް ވެއްޓިފައިވެއެވެ.
