" ޗަކުރާ އަނިޔާ ހުއްޓޭލެ!" ނަމުގައި އިކޮޅު ކޯލިޝަނުން މިރޭ ޅ.ނަިއފަރުގައި ބާއްވަން މަސައްކަތް ކުރި ޖަލްސާ މޫސުން ގޯސްވުމާއި ގުޅިގެން މާދަމާރެއަށް ފަސް ކޮށްފިއެވެ.
ޖަލްސާ ފަސްކުރިކަން ހާމަކޮށް ނައިފަރު ދާއިރާގެ މެމްބަރު ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވީ ނައިފަރަށް ވަރަށްބޯކޮށް ވާރޭވެހި މޫސުން ގޯސްވުމާއި ގުޅިގެން ޖަލްސާ މާދަމާރެއަސް ފަސް ކުރެވިފައިވާކަމަށެވެ.
Mirey beyvvumah nimmi " Chakura Aniya Hutteyle" jalsaa moosun than nudhinumuge sababun madhama reyah vanee faskurevifai. https://t.co/lRc7rE46Gw
— Ahmed Shiyam (@Shiyamaldives) December 28, 2020
މާދަމާރޭ ނައިފަރުގައި ބާއްވާ ޖަލްސާއާއި ގުޅޭގޮތުން އިދިކޮޅު ކޯލިޝަނުން ބުނެފައިވަނީ މިޖަލްސާއަކީ ނައިފަރުގެ މަސްވެރިންނަށް ދިމާވާ ދަތިތަކާއި، ނައިފަރުގެ މަގު ނެހެދި އެތައް ދުވަހެއްވާތީ ރައްޔިތުންނަށް ލިބެމުންދާ ގެއްލުންތަކާއި، ސަރުކާރުން ނައިފަރަށް ވެފައިވާ ވައުދުތައް ނުފުއްދޭތީއާއި، ކައުންސިލް އިންތިޚާބުގައި ނައިފަރަށް ކުރިމަތިލައްވާފައިވާ ކެންޑިޑޭޓުންނަށް ތާއީދު ހޯދުމަށް ބާއްވާ ޖަލްސާއެއް ކަމަށެވެ.
އިދިކޮޅު ކޯލިޝަންގެ ލީޑާޝިޕް ރަށު ބަންދުގައި ތިބެވެސް ރާއްޖޭގެ އެކި ކަންކޮޅުތަކުގައި ދަނީ ޖަލްސާތައް ކުރިއަށް ގެންދަމުންނެވެ. އެގޮތުން މިހާތަނަށް އެކޯލިޝަނުން ވަނީ ހއ.ބާރަށުގައައި، ފުވަށްމުލަކު ސިޓީގައި ޚާއްސަ ބޮޑު ޖަލްސާއެއް ބާއްވާފައެވެ. ކޯވިޑް-19 އަށް ދެމުންދާ ލުއިތަކުގެ ތެރެއިން މާލޭގައި ހަފްލާތަކައި ބައްދަލުވުންތައް ބޭއްވުމަށް ދީފައިވަ ހުއްދައަކާއިއެކު މިދިޔަ ހޮނިހިރު ދުވަހުގެރޭ އިދިކޮޅު ކޯލިޝަނުން ވަނީ މާލެ ސިޓީގައި ބޮޑު ޖަލްސާއެއް ބާއްވާފައެވެ. މިޖަލްސާގައި ގިނަ އަދަދެއްގެ އާންމު ރައްޔިތުން ބައިވެރި ވެފައިވެއެވެ.
ކޮމެންޓު ފޮނުވާ