ރައްޔިތުންގެ މަޖިލީހުގެ މިއަދަށް ތާވަލުކުރެވިފައިވާ ޖަލްސާ ކުއްލިއަކަށް ކެންސަލްކޮށްފިއެވެ.
އިއްޔެގެ ޖަލްސާ ނިމުނުއިރު މަޖިލީހުގެ ނައިބު ރައީސް އަހްމަދު ނާޒިމް މިއަދު ހެނދުނު 9:00 އަށް ޖަލްސާއެއް އޮންނާނެކަމަށް އިޢުލާންކުރެއްވި ނަމަވެސް، މަޖިލީހުގެ އިދާރާއިން މީޑިއާއަށް އެއްވެސް ސަބަބެއް ހާމަނުކޮށް މިއަދުގެ ޖަލްސާ ވަނީ ކެންސަލްކޮށްފައެވެ.
މަޖިލީހުގެ މިއަހަރުގެ ފަހު ދައުރުގެ މުއްދަތު ވަނީ ވެރިކަންކުރާ ޕާޓީ ކަމުގައިވާ ޕީއެންސީގެ މެންބަރުންގެ ފުރިހަމަ އެއްބާރުލުމާއެކު އިތުރުކުރެވިފައެވެ. މަޖިލީހުގެ ގަވާއިދުގައި ބަޔާންކޮށްފައިވާ ގޮތުން މިއަހަރުގެ ފަހު ދައުރު ނިމެންޖެހެނީ ނޮވެމްބަރު މަހުގެ ނިޔަލަށް ނަމަވެސް، މަޖިލީހުން ވަނީ ޑިސެމްބަރު 15 ވަނަ ދުވަހުގެ ނިޔަލަށް ދައުރުގެ މުއްދަތު އިތުރުކޮށްފައެވެ.
