އެންސްޕާއިން އެއްވެސް އިރެއްގައި ކެންސަރުގެ ފަރުވާއަށް ރާއްޖެއިން ބޭރަށް ދާ މީހުންނަށް 1000 ޑޮލަރުގެ އެހީއެއް ދީފައިނުވާ ކަމަށް އެ އޭޖެންސީން މިއަދު ނެރުނު ބަޔާނެއްގައި ބުނެފިއެވެ.
މި ބަޔާން ނެރުނީ ސޯޝަލް މީޑިއާގައި އެއް ފަރާތަކުން، ނިމިދިޔަ ސަރުކާރުގައި ކެންސަރު ބަލިމީހަކާއެކު އިންޑިއާއަށް ފަރުވާއަށް ދިޔަ އެހީތެރިއަކަށް ޓިކެޓުގެ އިތުރުން 1000 ޑޮލަރު ދިން ކަމަށާއި، މިހާރުގެ ސަރުކާރުން އެ އަދަދު ވަރަށް ބޮޑަށް ކުޑަކޮށްފައިވާ ކަމަށް ބުނެ ނުރުހުން ފާޅުކުރުމާ ގުޅިގެންނެވެ.
އަޅުގަނޑު މިއީ ސިވިލްސާރވިސްގައި ހިދުމަތް ކުރާތާ 19 އަހަރުވީ 3 ދަރިންގެ ބައްޕައެއް، ސިޔާސީ މަގާމެއްގަ ނޫޅެން، އެފަދަ މަގާމަކަށް ދިއުމުގެ ވިސްނުމެއްވެސް، ބަލަނީ އަބުރުވެރިކަމާއެކު ހަލާލު ފައިސާއިން ދިރިއުޅެވޭތޯ، ހިޔާ ފިނިޝިން މަސައްކަތަށް ނެގި
— Maumoon Ali (Maanu) (@MaumoonAli212) December 1, 2024
އެންސްޕާއިން ބުނެފައިވާ ގޮތުގައި އެ ފަރާތަށް 9 ފަހަރެއްގެ މަތިން އެހީތެރިކަން ފޯރުކޮށްދީފައިވެއެވެ. އެގޮތުން އެހީތެރިޔާ އަމިއްލައަށް ނެގި ޓިކެޓުގެ އަގުގެ އިތުރުން، ކޮންމެ ފަހަރަކުވެސް 200 އާއި 250 ޑޮލަރު ދޫކޮށްފައިވާކަން ލިޔެކިޔުންތަކުންނާއި ސިސްޓަމުން ފެންނަން އޮތް ކަމަށް އެންސްޕާއިން ފާހަގަކޮށްފައިވެއެވެ.
އެ ފަރާތާ ބައްދަލުކޮށް އޮޅުންފިލުވިއިރު، އޭނާ ބުނެފައިވަނީ ކޭސް އަވަސްކުރުމަށް އޭރު އާސަންދަ ހިންގެވި އިސްވެރިންނާ ގުޅައި، ކުއްޖަކު މެދުވެރިކޮށް އޭފޯ ސައިޒުގެ ގަނޑެއްގައި 1000 ޑޮލަރު ހަވާލުކުރި ކަމަށެވެ. ނަމަވެސް އެކަން ހިނގިކަމުގެ އެއްވެސް ލިޔެކިޔުމެއް ނެތް ކަމަށާއި، އެފަދަ ކަމެއް ހިނގާފައިވާނަމަ އެއީ އެންސްޕާގެ އުސޫލުތަކާ ހިލާފު ކަމެއް ކަމަށް އެންސްޕާއިން ވަނީ ބުނެފައެވެ.
