އެންސްޕާ އާއި މޯލްޑިވްސް މީޑިއާ ހައުސްއާ ދެމެދު ވެފައިވާ އެއްބަސްވުން ނިމުމަކަށް ގެނައުމަށް ނިންމައިފިއެވެ. މިއަދު އެންސްޕާއިން ނެރުނު ބަޔާނުގައި ބުނެފައިވަނީ "މޫކައި ސުއިޓްސް" އިމާރާތް މަރާމާތަށް ހުސްކުރަން ޖެހުމާ ގުޅިގެން، އާ އޮފީހެއް ހޯދުމަށް މާލީ ވުޒާރާގެ އޯޕަން ޓެންޑަރ މެދުވެރިކޮށް، ކަނޑައެޅިފައިވާ ގަވައިދުތަކާއި އުސޫލުތަކުގެ މަތިން އެވޯޑްކޮށް، ހިންގުމަށް ލިބިފައިވާ އެކުންފުންޏަށް ލިބިފައިވާ އިމާރާތުގެ ފަންގިފިލާތައް މޯލްޑިވްސް މީޑިއާ ހައުސްއިން ކުއްޔަށް ހިފުމުގެ މަސައްކަތް ކުރިޔަށްދިޔަ ކަމަށެވެ.
އެހެންނަމަވެސް، މި މުއާމަލާތާ ގުޅިގެން ކުންފުނީގެ އަގު ވައްޓާލާ، ބަދުނާމުކުރުމަށް ދޮގު ވާހަކަތަކެއް މީޑިއާގައި ފެތުރުމުގެ ސަބަބުން ލިބެމުންދާ މާއްދީ އަދި މައުނަވީ ގެއްލުމާ ހެދި އެއްބަސްވުން ނިމުމަކަށް ގެނައުމަށް މޯލްޑިވްސް މީޑިއާ ހައުސްއިން ހުށަހަޅާފައިވާ ކަމަށް ބަޔާނުގައި ފާހަގަކޮށްފައިވެއެވެ.
އެހެން ކަމުން މިކަމާއި ގުޅޭގޮތުން މާލީ ވުޒާރާއާއި މަޝްވަރާކުރުމަށްފަހު، އެ އެއްބަސްވުން ނިމުމަކަށް ގަނައުމަށް މިއޭޖެންސީން ވަނީ ނިންމާފަ.
އެންސްޕާއިން ނެރުނު ބަޔާނުގައި ބުނެފައިވެއެވެ.
މިކަމާ ގުޅިގެން މާލީ ވުޒާރާއާ މަޝްވަރާކުރުމަށްފަހު، އެއްބަސްވުން ނިމުމަކަށް ގެނައުމަށް އެންސްޕާއިން ވަނީ ނިންމާފައެވެ. އަދި އެއްބަސްވުން ނިމުމަކަށް ގެނައުމާ ގުޅޭ އެންމެހާ އިޖުރާއަތްތައް މާލީ ވުޒާރާގެ އިރުޝާދުގެ ދަށުން ކުރިއަށްދާ ކަމަށް އެންސްޕާއިން މައުލޫމާތު ދީފައިވެއެވެ. މީޑިއާތަކުން ވަނީ މިއީ "އެމްއެމް ޓީވީ" ހިންގުމަށް ކުއްޔަށް ދީފައިވާ ތަނެއްކަމަށް ތުހުމަތުކޮށްފައެވެ.
