ސްޓެލްކޯގެ މުވައްޒަފުން "ޗާލު ވެށި – މަގޭ ޒިންމާ" ނަމުގައި މިއަދު ފެށި ހަރަކާތުގެ ދަށުން މާލޭގެ މަގުތަކުގައި ހުރި އެ ކުންފުނީގެ ޑިސްޓްރިބިއުޝަން ފޮށިތަކާއި ސަބް ސްޓޭޝަންތައް ސާފުކުރުމުގެ މަސައްކަތް ފަށައިފިއެވެ.
މި ހަރަކާތް ފައްޓަވައިދެއްވީ މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ޠާރިޤް އިބްރާހީމާއި، މާލެ ސިޓީގެ މޭޔަރ އާދަމް ޢާޒިމް އަދި ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީއެވެ.
މި ކުންފުނީގެ ސަބް ސްޓޭޝަންތަކާއި މަގުމަތީގައި ހުރި ޑިސްޓްރިބިއުޝަން ފޮށިތަކުގައި ތަތްކޮށްފައިވާ އިޝްތިހާރު ފަދަ ތަކެތި ނައްޓައި، ސަބް ސްޓޭޝަންތަކާއި ޑިސްޓްރިބިއުޝަން ފޮށިތައް ސާފުކުރުމަށް ކުންފުނީގެ މުވައްޒަފުން ހިންގާ 'ޗާލު ވެށި – މަގޭ ޒިންމާ' ޙަރަކާތް މިއަދު ވަނީ ފަށާފައި. މި… pic.twitter.com/4BofzfZCYu
— STELCO (@STELCOMALDIVES) November 30, 2024
މުޅި ރާއްޖޭގައި ސްޓެލްކޯގެ ޑިސްޓްރިބިއުޝަން ފޮށިތަކާއި ސަބް ސްޓޭޝަންތައް ޤާއިމުކޮށްފައިވާއިރު، ރާއްޖޭގައި ބާއްވާ ކޮންމެ އިންތިޚާބެއްގައިވެސް އެފަދަ ފޮށިތަކާއި ސްޓޭޝަންތަކުގައި ކެމްޕޭނު ޕޯސްޓަރުތައް ހަރުކުރުމުގެ ސަބަބުން އެ ތަންތަން ހުންނަނީ ވަރަށް ބޮޑަށް ހަޑިވެފައެވެ. މި ހަރަކާތުގެ ދަށުން އެފަދަ އިޝްތިހާރުތަކާއި ޕޯސްޓަރުތައް ނައްޓައި، އެ ތަންތަން ސާފުކުރުމުގެ މަސައްކަތް ކުރިއަށްދާނެއެވެ.
