ކ. ގުޅިން ފާނަބަސަންދުގެ 11 ކޭސް ފާހަގަކުރެވިފައިވާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ހާމަކޮށްފިއެވެ. މީގެ ތެރެއިން ދެ މީހަކު މިވަގުތު އިންދިރާ ގާންދީ މެމޯރިއަލް ހޮސްޕިޓަލުގައި ފަރުވާ ހޯދަމުންދެއެވެ.
މި ބަލި ބައެއް ހާލަތްތަކުގައި ފުރާނައަށް ނުރައްކާތެރިވެދާނެކަން އެޗްޕީއޭއިން ފާހަގަކޮށްފައިވެއެވެ.
އަދި މި އަހަރުގެ މިހާތަނަށް މުޅި ރާއްޖެއިން ޖުމްލަ 2977 ކޭސް ވަނީ ރިޕޯޓުކުރެވިފައެވެ. އޭގެ ތެރެއިން 1505 ކޭސް މާލެއިން އަދި 1471 ކޭސް އަތޮޅުތަކުން ރިޕޯޓުކުރެވިފައިވާކަމަށް އެ އެޖެންސީން މަޢުލޫމާތުދީފައިވެއެވެ.
