މާލޭ މަސް މާރުކޭޓު ސަރަހައްދުގައި ގަވާއިދާ ހިލާފަށް ވިޔަފާރިކުރަން އުޅުނު ގިނަ އަދަދެއްގެ ބިދޭސީން އަތުލައިގެންފި އެވެ.
އިމިގްރޭޝަން ކޮންޓްރޯލަރ، މުހައްމަދު ޝައްމާން ވަހީދު އެކްސްގައި ކުރެއްވި ޕޯސްޓެއްގައި ވިދާޅުވީ، މަސް މާރުކޭޓު ސަރަހައްދުގައި ބިދޭސީން ވިޔަފާރިކޮށް ކޮންޓްރޯލް ކުރަމުންދިޔަ މަސް ބޯޓުތަކާއި ގުޅިގެން ގިނަ ބަޔަކު ކަންބޮޑުވުން ފާޅުކޮށްފައިވާކަމަށެވެ.
އެހެންކަމުން، އިމިގްރޭޝަންގެ ޓާސްކު ފޯހުން ވަނީ އެ ސަރަހައްދުގައި އަޅާފައިވާ މަސް ބޯޓުތައް ބަލައި ފާސްކޮށް، 39 ބިދޭސީއަކު އިމިގްރޭޝަންގެ ބަންދަށް ގެނެސްފައިވާކަމަށް ޝައްމާން ވިދާޅުވިއެވެ.
ގަވާއިދާއި ޚިލާފަށް އުޅޭ ބިދޭސީން އަތުލައިގަތުމުގެ މަސައްކަތުގެ ތެރެއިން މިހާތަނަށް ގަވާއިދާއި ޚިލާފަށް ރާއްޖޭގައި ދިރިއުޅެމުންދާ 5000 ބިދޭސީން ޑިޕޯޓްކުރެވިފައިވާ ކަމަށް ޝައްމާން ވަނީ މީގެ ކުރިން ވިދާޅުވެފައެވެ.
