އިންޑިއާގެ ބެންގަލޫރުގެ އާޓީ ނަގަރުގައި ހުރި ހޮޓަލެއްގެ ކޮޓަރިން 43 އަހަރުގެ ހަސަން ސުހައިލްގެ ހަށިގަނޑު ބުދަ ދުވަހު މަރުވެފައި އޮއްވާ ފެނިއްޖެއެވެ. ހަސަން ސުހައިލް ހޮޓަލުގެ މުވައްޒަފުން ގުޅުމުންނާއި ކޮޓަރިން ބޭރަށް ނުނިކުތުމުން ބެލިބެލުމުގައި އޭނާ ވަނީ މަރުވެފައިކަމަށް އިންޑިއާ ނޫސްތަކުން ރިޕޯޓުކޮށްފައިވެއެވެ.
އިންޑިއާ ފުލުހުން މަޢުލޫމާތު ދެއްވާގޮތުގައި، ސުހައިލްގެ ހަށިގަނޑު ފެނުނުއިރު ކޮޓަރީގައި ހޮޑުލާފައި ހުރިކަމަށާއި، މަރުވި ސަބަބު ކަމަށް ބެލެވެނީ ހަށިގަނޑުގައި ފެން މަދުވުމުގެ ސަބަބުން ހާޓު އެޓޭކެއް އައިސްގެން ކަމަށެވެ.
ސުހައިލްގެ ދަތުރު ޕްލޭންގައި ބޯޕާލް، މުންބާއީ އަދި ދިވެހިރާއްޖެއަށް ދިއުން ހިމެނޭ ކަމަށް ފުލުހުން ބުނިނަމަވެސް، އޭނާ ޕްލޭންކުރި ގޮތަށް ދަތުރު ނުކުރާކަން ފާހަގަކޮށްފައިވެއެވެ.
ފުލުހުން އިތުރަށް ބުނާގޮތުގައި، މި މައްސަލައިގައި ދިވެހި އެމްބަސީއާ ގުޅިގެން މަސައްކަތް ކުރަމުންދާ ކަމަށާއި، ޕޯސްޓްމޯޓަމްގެ ކަންކަން ކުރިއަށް ގެންދާނީ އާއިލާގެ ބޭފުޅުންނާ މަޝްވަރާކުރުމަށްފަހުގައެވެ.
