ޔުރަޕިއަން ޔޫނިއަންގެ މެމްބަރު ގައުމުތަކުގައި، ގުޅިފައިވާ، ވެކްސިންދިނުމުގެ ބޮޑު ޕްރޮގްރާމް މިއަދު ފަށައިފިއެވެ.
27 މެމްބަރު ގައުމުތަކުގެ މައްޗަށް އެކުލެވިގެންވާ، މި ބްލޮގް އިސް އޮފިޝަލުން، މިއަދުގެ ވެކްސިން ޕްރޮގްރާމް ފެށުމާއެކު، އެވަގުތުކޮޅު ސިފަކުރައްވާފައިވަނީ، "އެއްބައިވަންތަ ކަމުގެ" ވަގުތު ކޮޅުގެ ގޮތުގައެވެ.
ޔޫރަޕިއަން ޔޫނިއަންގެ ރައީސާ އުރުސުލާ ވޮން ޑަރ ލެޔެން ހޮނިހިރު ދުވަހު ވިދާޅުވެފައިވަނީ، ފައިޒަރ-ބައޯއެންޓެކްގެ ކޯވިޑް19 ވެކްސިން އިޔޫގެ 27 މެމްބަރު ގައުމަށް ފޯރުކޮށްދީފައި ވާކަމަށެވެ.
އިޔޫން މިއަދު ރަސްމީކޮށް ވެކްސިންދޭން ފެށިކަމުގައިވި ނަމަވެސް، ވެކްސިންތައް ލިބުމާއެކު، ރަސްމީކޮށް ފެށުމަށް 1 ދުވަސް މަޑުކުރަން ޖެހޭތީ، އެންމެ ދުވަހެއްވެސް އިތުރަށް ހޭދަކުރުމަށް ބައެއް ގައުމުތަކުން ބޭނުން ނުވާތީ، ހޮނިހިރު ދުވަހު ވެކްސިން އެގައުމުތަކަށް ލިބުމާއެކު، އިޔޫގެ ބައެއް ގައުމުތަކުން ވަނީ ވެކްސިން ދޭން ފަށާފައެވެ.
އިޔޫއަށް ނިސްބަތްވާ ގައުމުތަކުގައި މިހާތަނަށް އައިއިރު، ކޯވިޑް19 އަށް ޕޮޒިޓިވްވެގެން، 335،000 މީހުންވަނީ މަރުވެފައެވެ. އަދި މިހާތަނަށް އިޔޫ ބައްރުން 14 މިލިއަން މީހުން މިބައްށް ޕޮޒިޓިވް، އަދި ދާދިފަހުން ކޯވިޑް19ގެ އާވައްތަރުތަކެއް ފެތުރެން ފެށުމާއިގުޅިގެން، އީޔޫގެ ގިނަ ގައުމުތަކުގެ ބޯޑަރުތައް ވަނީ ބަންދު ކޮށްފައެވެ.
ޔުރަޕްގެ ގައުމުތަކުގައި ވެކްސިން ދޭން ފަށާފައި މިވަނީ، އަސްލު ވައިރަހަށްވުރެ މާފަސޭހައިން ގައިން ގަޔަަށް އަރާ، ކޯވިޑް19ގެ އާސްޓެރެއިންތައް އީޔޫގެ އެތައް ގައުމެއްގައި ފެތުރެން ފަށާފައިވާކަން ޔަގީން ވެފައި ވަނިކޮށެވެ. އަދި މީގެއިތުރުން، ކެނެޑާ އަދި ޖަޕާނުންވެސް ވަނީ އާވައްތަރުތައް ފެންނަން ފަށާފައެވެ.
446 މިލިއަން މީހުންގެ އަބާދީއެއްގެ މައްޗަށް އެކުލެވިގެންވާ، އީޔޫ ބައްރުގައި، ވެކްސިން ދިނުމުގެ ބިޔަ ޕްރާމް އަމަލީގޮތުން ފަށާފައިމިވަނީ، އާދީއްތަ ދުވަހުއެވެ. ވެކްސިން ދޭން ފަށާފައި މިވަނީ، ޔޫރަޕިއަން މެޑިސިން އޭޖެންސީ، (EMA)އާއި އަދި ޔޫރަޕިއަން ކޮމިޝަނުން، އެމެރިކާއާއި އަދި ޖަރުމަނުވިލާތުގެ ދެ ކުންފުންޏެއް ކަމުގައިވާ، ފައިޒާ-ބައޯއެންޓެކްއިން އީޖާދުކުރި ކޯވިޑް19 ވެކްސިން އާންމުކޮށް ބޭނުންކުރުމުގެ އެމަޖެންސީ ހުއްދަ ދޫކުރުމާއެކުއެވެ.
އީޔޫއިން މިހާތަނަށް އައިއިރު ވަނީ، ތަފާތު ޑްރަގް ކުންފުނިތަކުން، 2 ބިލިއަނަށްވުރެ ގިނަ ވެކްސިން ހޯދުމަށްޓަކާ އެއްބަސްވުންތަކުގައި ސޮއިކޮށްފައެވެ.
"މިއަދު އަހަރުމެން މި އުކާލަނީ، މިއަރު އަހަރުމެން އެންމެނަށްވެސް ކުރިމަތިވެގެންދިޔަ ވަރަށް އުދަގޫ ސޮފުހާއެއް. ކޯވިޑް19 ވެކްސިން މިހާރުވަނީ، އިޔޫގެ ހުރިހާ ގައުމަކަށް ފޯރުކޮށްދެވިފަ. ވެކްސިން ދޭން، މާދަމާ އީޔޫގެ ހުރިހާ ގައުމެއްގައިވެސް ފެށިގެންދާނެ،" ހޮނިހިރު ދުވަހު، އިޔޫގެ ރައީސާ އުރުސުލާ ވޮން ޑަރ ލެޔެން ޓުވީޓް ކުރައްވާފައި ވެއެވެ.
"އީޔޫއިން ވެކްސިން ދޭ ދުވަހަކީ، އެއްބައިވަންތަ ކަމުގެ ދުވަހެއް. އަދި މި ވެސިނަކީ މި ކާރިސާއިން މިންޖުވުމަށް އަހަރުމެން ކުރާ ދަތުރުގެ ފެށުން،" އޭނާ ވިދާޅުވެފައި ވެއެވެ.
Today, we start turning the page on a difficult year. The #COVID19 vaccine has been delivered to all EU countries.
Vaccination will begin tomorrow across the EU.
The #EUvaccinationdays are a touching moment of unity. Vaccination is the lasting way out of the pandemic. pic.twitter.com/pYOj5vS2gV
— Ursula von der Leyen (@vonderleyen) December 26, 2020
އީޔޫންއިން ދޭންފެށި ވެކްސިންގެ އެންމެ ފުރަތަމަ ޑޯޒް ދީގައިވަނީ، ހަންގޭރީގެ ޑެލް-ޕެސްޓް-ސެންޓްރަލް ހޮސްޕިޓަލްގެ ޑޮކްޓަރަކަށެވެ.
