މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާންމުންނަށް ފޯރުކޮށްދޭ ބޭންކިން ޚިދުމަތްތަކަށް މުހިންމު ބަދަލުތަކެއް ގެނެސްފިއެވެ.
މީގެ ކުރިން ހަފްތާގެ އަންގާރަ އަދި ބުރާސްފަތި ދުވަހު އެޕޮއިންޓްމަންޓް އުސޫލުން ދެމުން އައި ޚިދުމަތްތައް، މިހާރު އެމްއެމްއޭ ހުޅުވިފައި ހުންނަ ކޮންމެ ދުވަހަކުވެސް ކިއު ތަރުތީބުން ލިބޭގޮތަށް ވަނީ ހަމަޖައްސާފައެވެ.
އާ އުސޫލުގެ ދަށުން ކުދި ރުފިޔާ ދޫކުރުމާއި ވަކި ލާރި ދޫކުރުމާއި ބަލައިގަތުމުގެ ޚިދުމަތް ލިބެން ހުންނާނީ ހެނދުނު 8:30 އިން މެންދުރު 11:00 އަށެވެ. އަދި ހަލާކުވެފައިވާ ނޫޓަށް ބަދަލު ދިނުމާއި އެހެނިހެން ޚިދުމަތްތައް ލިބެން ހުންނާނީ ހެނދުނު 8:30 އިން މެންދުރުފަހު 2:00 އަށެވެ. އެމްއެމްއޭއިން މި ބަދަލުތައް ގެނެސްފައިވަނީ އާންމު ރައްޔިތުންނަށް ވީހާވެސް ފަސޭހަކަމާއި އަވަސްކަމާއެކު ޚިދުމަތް ފޯރުކޮށްދިނުމުގެ މަޤްޞަދުގައެވެ.
