ދިވެހި ޤައުމީ އައި.ޑީ ކާޑު ޕްރިންޓްކުރުމުގެ ޚިދުމަތް ދ. ކުޑަހުވަދޫގައި ފަށައިފިއެވެ. ޑިޕާޓްމަންޓް އޮފް ނޭޝަނަލް ރެޖިސްޓްރޭޝަނުން މި ޚިދުމަތް ކުޑަހުވަދޫގައި ފަށާފައިވަނީ ހޯމަ ދުވަހުއެވެ. މިއީ މާލެ ސިޓީން ބޭރުގައި މި ޚިދުމަތް ފެށުނު ދެވަނަ ރަށެވެ.
ސޯޝަލް މީޑިއާ ޕްލެޓްފޯމް 'އެކްސް' ގައި، ޑިޕާޓްމަންޓް އޮފް ނޭޝަނަލް ރެޖިސްޓްރޭޝަނުން މިކަން ވުޖޫދަށް ގެނައުމުގައި އަތޮޅު މެންބަރުންނާއި އަތޮޅު ކައުންސިލްގެ ރައީސް އަހްމަދު ޝާފިއުގެ އެހީތެރިކަމަށް ޝުކުރު އަދާކޮށްފައިވެއެވެ. މި ޚިދުމަތް މިހާރު ދެމުން ގެންދަނީ ވެލާނާގޭގައި ހުންނަ ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން އޮފީހުންނާއި ގއ. ވިލިނގިލިން ވެސް މެއެވެ.
🌟 Exciting news! Today, we launched ID card printing service in D. Kudahuvadhoo, marking our second location outside Male City! A big thank you to the Kudahuvadhoo Atoll members and Atoll Council President Ahmed Shafiu for your support! pic.twitter.com/5b7ZffVrE4
— Department of National Registration (@dnrmaldives) November 5, 2024
ކުޑަހުވަދޫގައި އައި.ޑީ ކާޑު ޕްރިންޓްކުރުމުގެ ޚިދުމަތް ފަށާފައިވަނީ ދ. އަތޮޅު ކައުންސިލްގެ އެހީތެރިކަމާއެކުގައެވެ.
މި ޚިދުމަތް އިފްތިތާހުކޮށްދެއްވީ ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ ވަޒީރު އަލީ އިހުސާނާއި ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ވަޒީރު އާދަމް ޝަރީފް އުމަރެވެ.
ދިވެހިރާއްޖޭގެ ކޮންމެ އާބާދުވެފައިވާ އަތޮޅަކުން ނުވަތަ އަތޮޅު ވެރިކަން ކުރާ ރަށަކުން އައި.ޑީ ކާޑުގެ ޚިދުމަތް ދިނުމަކީ ސަރުކާރުގެ ވައުދެކެވެ.
އައި.ޑީ ކާޑުގެ ޚިދުމަތް ދިނުމަށް ބޮޑު އިންވެސްޓްމަންޓެއް ބޭނުންވި ނަމަވެސް، ބޭނުންވާ އިކުއިޕްމަންޓް ލިބެމުންދާ މިންވަރަކުން މި ޚިދުމަތް ފޯރުކޮށްދިނުމަށް މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީން ދަނީ މަސައްކަތްކުރަމުންނެވެ.
