ހިފެހެއްޓުމެއް ނެތް ދުލަކީ ޝައިޠާނާގެ އަތަށް ދޫކޮށްލެވޭ ވައުގަޑެއް ކަމަށާއި، ބާތިލް ވާހަކަތަކާއި ދުރުހެލިވެ ހުރެއްޖެނަމަ އޭނާ ވާނީ ސުވަރުގޭގެ އަހުލުވެރިއަކަށް ކަމަށް މިއަދުގެ ހުކުރު ޚުޠުބާގައި ވިދާޅުވެއްޖެއެވެ.
"ހަނު ހުރުމުގެ އަޚްލާގު" މިމައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޠުބާގައި ވިދާޅުވީ އިންސާނާ ބާޠިލް ވާހަކަ ދައްކަން ފަށައިފިނަމަ ޝައިޠާނާ އޭނާ އަތްއަތަށް ދަމަން ފަށާނެ ކަމުގައެވެ. އަދި އެ ހާލަތުގައި ޝައިޠާނާ އިންސާނާ އެދޭ ކޮންމެ ގޮތަކަށް، އޭނާ އަނބުރާލާނެ ކަމުގައިވެސް މިއަދުގެ ޚުޠުބާގައި ވިދާޅުވެފައި ވެއެވެ.
އިންސާނާއަށް އޭނާގެ ބަސްތައް ކޮންޓްރޯލް ނުކުރެވިއްޖެނަމަ އޭނާއަކީ އަނގަ ހުތުރު، ހިތް ފަސާދަ ވެފައިވާ މީހަކަށް ވެދާނެއެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
މިއަދުގެ ޚުޠުބާގައި އިތުރަށް ވިދާޅުވީ އިންސާނާ ވަޒަން ކުރެވޭނީ އޭނާ ދުލުން ބުނާ ބަސްތަކުން ކަމަށާއި، އޭނާ ހަނު ހުރެއްޖެނަމަ އޭނާއާ މެދު، ނިޔާއެއް ކަނޑައަޅާކަށް ނޭގޭނެ ކަމުގައެވެ. އަދި އޭނާ ވާހަކަ ދައްކައިފިނަމަ އޭނާގެ ޝަޚުސިއްޔަތު ފާޅުވާނެކަމަށާއި، އެހާލަތުގައި އޭނާ ހަރުދަނާކަމާއި ދޯހަޅިކަންވެސް ފެނިގެން ހިގައިދާނެކަމުގައިވެސް ޚުޠުބާގައި ވިދާޅުވެފައި ވެއެވެ.
މިއަދުގެ ޚުޠުބާގައި ވިދާޅުވެފައިވަނީ މުއުމިނާއަކީ އޭނާގެ ދުލަށް ރައްކައުތެރިވާ މީހާކާމުގައެވެ. އަދި އެއީ އަމަލު ގިނަކޮށް ބަސްމަދުކުރާ މީހާކަން ބަޔާން ކުރައްވަމުން ޚުޠުބާގައި ވިދާޅުވެފައިވަނީ މުއުމިނާ ވާހަކަ ދައްކާނީ އޭނާގެ ނަފްސަށާއި އޭނާގެ މުޖުތަމަޢަށާއި އޭނާ ވަތަނަށް ފައިދާހުރި ކަންކަމުގައި ކަމަށްވެސް މިއަދުގެ ޚުޠުބާގައި ވިދާޅުވެފައި ވެއެވެ.
