ރައްޔިތުންގެ މަޖިލީހުގެ މިއަދުގެ ޖަލްސާގައި 5.1 ބިލިޔަން ރުފިޔާގެ ސަޕްލިމެންޓަރީ ބަޖެޓެއް ވަނީ ފާސްކޮށްފައެވެ. މި ބަޖެޓަށް 75 މެންބަރުން ވޯޓު ދެއްވާފައިވާއިރު، 11 މެންބަރުން ވަނީ ދެކޮޅަށް ވޯޓު ދެއްވާފައެވެ.
ފާސްކުރެވުނު ސަޕްލިމެންޓަރީ ބަޖެޓުގައި ރިކަރަންޓް ޚަރަދުގެ ގޮތުގައި 1.5 ބިލިޔަން ރުފިޔާ އަދި ކެޕިޓަލް ޚަރަދުގެ ގޮތުގައި ުގައި 3.5 ބިލިޔަން ރުފިޔާ ހިމެނެއެވެ. މީގެ ތެރެއިން މައިގަނޑު ޚަރަދުތަކަށް ބަލާއިރު، ޕަބްލިކް ސެކްޓަރ އިންވެސްޓްމަންޓް ޕްރޮގްރާމް (ޕީއެސްއައިޕީ) އަށް 2 ބިލިޔަން ރުފިޔާ، ސަބްސިޑީއަށް 1 ބިލިޔަން ރުފިޔާ، ކޮންޓިންޖެންސީއަށް 650 މިލިޔަން ރުފިޔާ އަދި ސްޓޫޑެންޓް ލޯނަށް 458 މިލިޔަން ރުފިޔާ ކަނޑައަޅާފައިވެއެވެ.
މި ސަޕްލިމެންޓަރީ ބަޖެޓާ ގުޅިގެން އާމްދަނީގެ ގޮތުގައި 640 މިލިޔަން ރުފިޔާ ލިބޭނެކަމަށް ސަރުކާރުން ލަފާކުރެއެވެ. އަދި. އަދި މި ބަޖެޓާއެކު 2023 ވަނަ އަހަރުގެ ޖުމުލަ ބަޖެޓު 55 ބިލިޔަން ރުފިޔާއަށް އަރާފައިވާކަން ފާހަގަކުރެވެއެވެ.
މި ސަޕްލިމެންޓަރީ ބަޖެޓު ފާސްކުރުމުގެ މަޤްޞަދަކީ ސަރުކާރުގެ ޚަރަދުތައް ހަމަޖެއްސުމާއި، ރައްޔިތުންނަށް ދެވޭ ޚިދުމަތްތައް ހަރުދަނާކުރުމެވެ. ނަމަވެސް، ބައެއް މެންބަރުން މި ބަޖެޓާމެދު ކަންބޮޑުވުން ފާޅުކޮށް، ދައުލަތުގެ ޚަރަދު ބޮޑުވަމުންދާކަމަށް ފާހަގަކުރިއެވެ.
