ޑެޕިއުޓީ ޕްރޮސެކިއުޓާ ޖެނެރަލް އަލީ ސަމީރު މިއަދު އެ މަގާމުން އިސްތިއުފާ ދެއްވައިފިއެވެ.
އޭނާ މަގާމުން އިސްތިއުފާ ދެއްވީ ކޮން ސަބަބަކާ ގުޅިގެން ކަމެއް ސާފެއް ނޫނެވެ.
ސަމީރު އިސްތިއުފާ ދެއްވުމާއެކު، ޑެޕިއުޓީ ޕްރޮސެކިއުޓާ ޖެނެރަލްގެ މަގާމުގައި ހުންނަވާނީ މަހުމޫދު ސަލީމް އެކަންޏެވެ. އެ މަގާމަކީ ޕްރޮސެކިއުޓާ ޖެނެރަލް އައްޔަން ކުރާ މަގާމެކެވެ.
ސަމީރު ވަނީ 2011 ވަނަ އަހަރުން ފެށިގެން ހައި ކޯޓުގެ ފަނޑިޔާރުކަން ކުރައްވައިފައެވެ. އޭނާ ވަނީ 15 އަހަރަށް ވުރެ ގިނަ ދުވަހު ފަނޑިޔާރުކަން ކުރައްވައިފައެވެ.
ސަމީރަކީ މިސްރުގެ އަލްއަޒުހަރު ޔުނިވާސިޓީއިން ޝަރީއަތާއި ގާނޫނުގެ ރޮނގުން މަތީ ތައުލީމް ހާސިލް ކުރެއްވުމުގެ އިތުރުން މެލޭޝިޔާގެ އިންޓާނޭޝަނަލް އިސްލާމިކް ޔުނިވާސިޓީން ކޮމްޕަރޭޓިވް ލޯ އިން މާސްޓާސް ޑިގްރީ ހާސިލުކުރައްވާފައިވާ ބޭފުޅެކެވެ.
