އޭނާ މިހެން ވިދާޅުވީ ވޮޝިންގްޓަންގައި މިހާރު ކުރިއަށްދާ ވޯލްޑް ބޭންކް އަދި އައިއެމްއެފްގެ އަހަރީ ބައްދަލުވުމުގައި ވާހަކަ ދައްކަވަމުންނެވެ.
ރާއްޖޭގައި އިއާދަކުރަނިވި ހަކަތައިން 33 ޕަސެންޓު ކަރަންޓު އުފެއްދުމަށް 1.3 ބިލިއަން ޑޮލަރު ބޭނުންވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަހުމަދު މުނައްވަރު ވިދާޅުވެއްޖެއެވެ.
މުނައްވަރު ވިދާޅުވީ އޭގެތެރެއިން މިހާތަނަށް ހިލޭ އެހީއަށް ހަމަޖެހިފައިވަނީ އެންމެ 13 ޕަސެންޓު ކަމުގައެވެ.
މޫސުމަށް އަންނަ ބަދަލުތަކުގެ އެންމެ ބޮޑު އަސަރެއް ކުރަނީ ރާއްޖެ ފަދަ ކުދި ގައުމުތަކަށް ކަމަށް ފާހަގަކުރައްވައި، އެ ބަދަލުތަކުން އަރައިގަތުމަށް ގިނަގުނަ މަސައްކަތްތަކެއް ކުރަމުންދާ ކަމަށް ވިދާޅުވިއެވެ. އިއާދަކުރުވަނިވި ހަކަތަ ބޭނުންކުރުމުން މޫސުމަށް އަންނަ ބަދަލުތަކުން ލިބޭ ގެއްލުންތަކަށް ހޭނުމުގެ އިތުރުން މާލީ ގޮތުން ވެސް ފައިދާތަކެއް ކުރާނެ ކަމަށާއި، އޭގެތެރޭގައި ތެލަށް ކުރަންޖެހޭ ޚަރަދު ކުޑަވެ، ބޭރު ފައިސާ ޚަރަދުކުރަންޖެހޭ މިންވަރު މަދުވެގެންދާނެ ކަމަށް ވިދާޅުވިއެވެ.
2028 ވަނަ އަހަރު ދިވެހިރާއްޖޭގައި 33 އިންސައްތަ ކަރަންޓް އިއާދަކުރުވަނިވި ހަކަތައިން އުފެއްދުމަށް ވަނީ އަޒުމް ކަނޑައަޅާފައި. މި މަޝްރޫއުއަށް ގާތްގަނޑަކަށް 1.3 ބިލިއަން ޑޮލަރު ބޭނުންވާއިރު، އަދި މިހާތަނަށް ހިލޭ އެހީގެ ގޮތުގައި ލިބިފައިވަނީ އެންމެ 13 އިންސައްތަ.
މުވައްވަރު ވިދާޅުވެފައި ވެއެވެ.
ރާއްޖޭގައި މި ދާއިރާއިން އައިއެމްއެފްގެ ރެސިލިއަންސް އެންޑް ސަސްޓެއިނަބިލިޓީ ފަންޑުން މިހާރު ވެސް ކުރަމުން އަންނަ މަސައްކަތަށް ތައުރީފުކުރައްވައި، މޫސުމީ ގެއްލުންތަކުން އަރައިގަތުމަށާއި އިއާދަކުރުވަނިވި ހަކަތައަށް ބަދަލުވުމަށް އިތުރު އަމިއްލަ ފަރާތްތަކުގެ އިންވެސްޓްމަންޓްތައް އިތުރުކޮށް، އައު ސްޓްރެޓެޖީތައް އެކުލަވާލުން މުހިންމު ކަމަށް ގަވަރުނަރު ފާހަގަކުރެއްވިއެވެ.
ތަރައްގީވަމުން އަންނަ އިގްތިސާދުތަކުގެ ތެރެއިން ތިން ބައިކުޅަ ދެ ބަޔަކީ ބޮޑެތި ދަރަނިތަކެއް އަދާކުރަން ޖެހިފައިވާ ގައުމުތަކެއް ކަމަށް ފާހަގަކުރައްވައި، ތަރައްގީވަމުން އަންނަ ކުދި ޖަޒީރާ ގައުމުތަކާއި ބޭންކުތަކުގެ ހާލަތަށް އިތުރަށް ސަމާލުކަން ދޭންޖެހޭ ކަމަށް ވިދާޅުވިއެވެ. އަދި ވޯލްޑް ބޭންކާއި އައިއެމްއެފް ފަދަ ތަންތަނުން ތަރައްގީވަމުން އަންނަ އިގްތިސާދުތަކުގައި ވަޒީފާގެ ފުރުސަތުތައް އިތުރުކޮށް، ހަމަހަމަ ފުރުސަތުތަކެއް ދިނުމަށާއި އިގްތިސާދު ސިންދަފާތުކުރުމަށް ވިސްނަންޖެހޭ ކަމަށްވެސް ވިދާޅުވިއެވެ.
ރާއްޖޭގައި އިއާދަކުރަނިވި ހަކަތައިން 33 ޕަސެންޓު ކަރަންޓު އުފެއްދުމަކީ ރައީސް ޑރ. މުޙައްމަދު މުއިއްޒުގެ ރިޔާސީ ވައުދުފުޅެއް ކަން ފާހަގަކޮށްލެވެއެވެ.
