މަސްޖިދުލް ޔޫސުފްގެ ނަމުގައި އައްސޭރި ޖަލުގެ ފުރަތަމަ މިސްކިތް މިއަދު ހުޅުވައިފިއެވެ.
މިސްކިތް ހުޅުވައިދެއްވީ ރައީސް އޮފީހުގެ ޗީފް އޮފް ސްޓާފް އަބްދުﷲ ފަޔާޒެވެ. ޖަލުގެ ގައިދީންނާއި ޖަލު އޮފިސަރުން ގުޅިގެން މިސްކިތުގެ އެންމެހާ މަސައްކަތްތައް ކޮށްފައިވެއެވެ. މިސްކިތް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން ހޯމް މިނިސްޓަރު އަލީ އިހުސާން ވިދާޅުވެފައިވަނީ މިސްކިތެއް ބިނާކުރުމަކީ އިސްލާމްދީން ގަބޫލުކުރާ ޤައުމެއްގައި ކުރެވޭނެ އެންމެ މާތް އަމަލު ކަމުގައެވެ.
މިނިސްޓަރު ފާހަގަކުރެއްވި ގޮތުގައި ރައީސްގެ އެންގެވުމާއިއެކު ކޮމިޝަނަރ އޮފް ޕްރިޒަންސްގެ އިސްނެންގެވުމުގެ ދަށުން މިހާރު ޖަލުގެ ގައިދީންނާއި އޮފިސަރުންނަށް ނަމާދުކުރުމުގެ އިންތިޒާމް ވަނީ ހަމަޖެހިފައެވެ.
އަދި ކުރިއަށް އޮތްތަނުގައިވެސް މިފަދަ މާތް މަސައްކަތްތައް ފެނިގެން ދިޔުމަކީ އެމަނިކުފާނުގެ އުންމީދެއް ކަމުގައިވެސް ވިދާޅުވިއެވެ.
ކޮމެންޓު ފޮނުވާ