ސުޕްރީމް ކޯޓުގެ ފަނޑިޔާރު މަހާޒް އަލީ ޒާހިރު، ލިޔުއްވި ގުރުއާން ތަފްސީރު ފޮތުގެ ތިންވަނަ ބައި މިއަދު ނެރެފައިވެއެވެ.
މިއީ އޭނާގެ ހުލާސާ ތަފްސީރު ސިލްސިލާގެ ތިންވަނަ ވޮލިއުމެވެ. މަހާޒް ވިދާޅުވެފައިވާ ގޮތުގައި، އަހަރެއްހާ ދުވަހުގެ ތެރޭގައި ގުރުއާނުގެ ދެބައިކުޅަ އެއްބައިގެ ހުލާސާ ތަފްސީރު ނިންމާލެވުނެވެ. އަދި މިއީ މިހާތަނަށް އެންމެ ގަޔާވެގެން ލިޔުއްވި ބައި ކަމަށްވެސް އޭނާ ވިދާޅުވިއެވެ. މި ވޮލިއުމް ފެށިގެން އަންނަނީ ހަވަނަ ފޮތުންނެވެ.
ޖުމުލަ 476 ސަފުހާ ހިމެނޭ މި ފޮތުގެ އަގަކީ 420 ރުފިޔާއެވެ. ނަމަވެސް އޮކްޓޯބަރު 26 ގެ ނިޔަލަށް ކުރިއަށްދާ ނޮވެލްޓީ ބުކް ފެއާގައި މި ފޮތް 357 ރުފިޔާއަށް ލިބޭނެއެވެ. މި ފޮތް ލިބެން ހުންނާނީ ނޮވެލްޓީ ބުކްޝޮޕުންނާއި އެ ތަނުގެ ވެބްސައިޓުންނެވެ.
މަހާޒް މި ސިލްސިލާގެ ފުރަތަމަ ވޮލިއުމް ނެރުއްވީ މިދިޔަ އަހަރުގެ އޮކްޓޯބަރު 17 ގައެވެ. އެއީ ގުރުއާނުގެ ފުރަތަމަ ފަސް ފޮތުގެ ތަފްސީރެވެ. މިހާރު މި ވަނީ އޭގެ ތިންވަނަ ބައި ވެސް ނެރުއްވައިފައެވެ.
ކޮމެންޓު ފޮނުވާ