މިއަހަރުވެސް ސަޕްލިމެންޓަރީ ބަޖެޓެއް ހުށަހަޅާނެ ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ. ރައީސް އޮފީހުގައި ކުރިއަށްދިޔަ ޕްރެސް ކޮންފަރެންސްގައި މިނިސްޓަރު ވިދާޅުވީ، މި ބަޖެޓުގެ އަދަދު އަދި ކަނޑައަޅާފައި ނުވާ ކަމަށާއި، އެ އަދަދު ކަނޑައަޅާނީ ރައީސުލްޖުމްހޫރިއްޔާ އަދި ކެބިނެޓާ މަޝްވަރާކުރުމަށްފަހު ކަމަށެވެ.
2024 ވަނަ އަހަރަށް ފާސްކޮށްފައިވާ ދައުލަތުގެ ބަޖެޓަކީ 49.8 ބިލިއަން ރުފިޔާގެ ބަޖެޓެކެވެ. ނަމަވެސް، މިދިޔަ އަހަރުވެސް ބަޖެޓު ހުސްވުމާ ގުޅިގެން ސަޕްލިމެންޓަރީ ބަޖެޓެއް ހުށަހަޅަން ޖެހުނެވެ. އެގޮތުން، އެމްޑީޕީގެ ވެރިކަމުގައި 2023 ވަނަ އަހަރުގެ ނޮވެމްބަރު މަހު 6.5 ބިލިއަން ރުފިޔާގެ ސަޕްލިމެންޓަރީ ބަޖެޓެއް މަޖިލީހުން ފާސްކުރިއެވެ.
