ކްރިސްޓިއަނުން ކޮންމެ އަހަރަކުވެސް ފާހަގަކުރާ، ކުރިސްމަސް ދުވަހު، އެމެރިކާގެ ނަޝްވިލޭ އަވަށުގައި ބޮމެއް ގޮއްވާލާފައިވަނީ ޖާނުންފިދާ ވެގެން ކަމުގައި ބެލެނޭކަމަށް، މި ހާދިސާ ތަހުގީގުކުރަމުންދާ ޓީމުގައި މަސައްކަތްކުރަމުންދާ ލޯ އެންފޯންސްމަނޓް ދެއޮފިސަރަކާ ހަވާލާދީ މީޑީއާ ރިޕޯޓުތައް ބުނަން ފަށައިފިއެވެ.
މި ހާދިސާ ތަހުގީގުކުރާ ޓީމުގެ އިސް އޮފިޝަލުން މީގެކުރިން ބުނެފައިވަނީ، މިގޮވުން ގޮއްވާލި ހިސާބުން، އިންސާނުންގެ ހަށިގަޑުގެ ބައެއް ބައިތަށް ފެނިފައިވާ ކަމަށެވެ. ތަހުގީގު ޓީމުން މިހާރު ގެންދަނީ މި ސަރަހައްދުން ފެނުނު މީހުންގެ ހަށިތަކުގެ ޑީއެންއޭ ޓެސްޓުތައް ހަދަމުންނެވެ.
ހަމަލާދިންކަމަށް ތުހުމަތުކުރެވޭ މީހާ ދިރިއުޅުނު ކަމަށް ތުހުމަތުކުރެވޭ، ނަޝްވިލޭގެ ކުޑައަށެއްކަމުގައިވާ އެންޓްއޮޗްގައި ހުރިގެއެއް މިހާރު ފުލުހުންވަނީ ބަލާ ފާސްކޮށްފައެވެ.
މިބާރު ގަދަ ގޮވުމުގެ ސަަބަބުން، 3 މީހަކަށް އަނިޔާވެ އަދި މި ސަރައްދާ ގުޅުންހުރި ހިސާބުތަކުގެ މުވާސަލާތީ ގުޅުންތަކަށް ބުރޫ އަރައިގެން ގޮސްފައި ވެއެވެ.
މިހާތަނަށް އައިއިރު، މިހަމަލާގެ އަސްލު މަގުސަދެއް އަދި އެގިފައި ނުވާއިރު، މިހަލާގެ ޒިންމާވެސް އެއްވެސް ފަރާތަކުން އުފުލާފައެއް ނުވެއެވެ. އަދި ބައެއް ވިޔަފާރި ވެރިންނާ އަދި ބައެއް ފިލްމީތަރިން މިހާރުވަނީ، މިހަމަލާގެ ޒިންމާވާ ފަރާތެއްގެ މައުލޫމާތު ދިން ފަރާތަކަށް 300،000 ޑޮލަރުގެ ހަދިޔާއެއް ހުށަހަޅާފައެވެ.
އެފްބީއައިގެ އޭޖެންޓުންނާ ހަވާލާދީ ސީއެންއެންއިން ރިޕޯޓު ކޮށްފައިވާ ގޮތުގައި، މިހަލާ ދިނީ ޖާނުން ފިދާވެގެންކަމަށް ލަފާ ކުރެވޭތީއާއި އަދި، ހަމަލާ ދިން ސަރަހައްދުން ޖާނުން ފިދާވި މީހާކަމަށް ބެލެވޭ މީހާގެ ހަށިގަޑުގެ ބައިތައްވެސް ފެނިފައިވާތީ، މިހާރު ތަހުމަތު ކުރެވޭ އިތުރުމީހަކު ހުރިކަމަށް ތަހުގީގު ޓީމުން ނުދެކެއެވެ.
#Nashville Law enforcement sources tell @CBSNews leading theory is suspect may have been killed in Nashville explosion. DNA tests on remains found at scene are being conducted to determine if they belong to suspect or someone else + Fed agents searching home person of interest.
— Catherine Herridge (@CBS_Herridge) December 26, 2020
ސީއެންބީސީ ނިއުސްއިން މައުލޫމާތު ދީފައިވާ ގޮތުގައި، ތަހުގީގު ޓީމުން ގަބޫލުކުރާގޮތުގައި، މިހަމަލާ ރޭވިމީހާ މިހާރުވަނީ ހަމަލާގައި މަރުވެފައެވެ. އެހެންކަމުން އަމިއްލައަށް މަރުވިކަމަށް ބެލެވޭ މީހާގެ ޑިއެންއޭ ކަށަވަރު ކުރުމަށްޓަކާ ފުލުހުން މިހާރުދަނީ، މަރުވިމީހާގެ މަންމަގެ ޑީއެންއޭ ތަހުލީލު ކުރަމުންނެވެ.
މި ބާރުގަދަ ގޮވުން ލޮލުން ދުށް ބައެއް ފަރާތްތަކުން ބައެއް މީޑިއާތަކަށް މައުލޫމާތު ދީފައިވާ ގޮތުގައި، ގޮވުމުގެ ބާރުގަދަ ކަމުން، ގޮވުން ގޮވި ސަރަހައްދުގައި ހުރި ގެތަކުގެ ބިއްލޫރިތައް ތަޅައިގެން ގޮސްފައި ވެއެވެ.
"އެ މަގުގައި ނެތް ހުޅު ނުހިފާ އެއްވެސް އެއްޗެއް. ގޮވި ސަރައްހައްދު ކައިރީގައި އޮތް 2 ކާރެއްވަނީ އެއްކޮށް ފުޑުފުޑުވެފަ،" މަންޒަރު ލޮލުން ދުށް މީހަކު މީޑިއާތަކަށް މައުލޫމާތު ދެމުން ބުނެފައި ވެއެވެ.
