ފުލުހުންގެ މުއައްސަސާގެ އޮންލައިން ޚިދުމަތްތައް ވަގުތީގޮތުން މެދުކެނޑިފައިވާކަމަށް ފުލުހުން ބުނެފިއެވެ.
މިކަން ދިމާވެފައިވަނީ ފުލުހުންގެ ނެޓްވޯކަށް ކުރިމަތިވެފައިވާ ޓެކްނިކަލް މައްސަލައެއްގެ ސަބަބުންނެވެ. ފުލުހުން އެކްސްގައި ޝާއިޢުކުރި ޕޯސްޓެއްގައި މި މައްސަލައިގެ ސަބަބުން އާންމު ރައްޔިތުންނަށް ކުރިމަތިވެދާނެ ދަތިތަކަށް މަޢާފަށް އެދި، މައްސަލަ ހައްލުކުރުމަށް މަސައްކަތްކުރަމުންދާ ކަމަށް ބަޔާންކޮށްފައިވެއެވެ.
ފުލުހުންގެ އޮންލައިން ޚިދުމަތްތަކުގެ ތެރޭގައި ހިމެނެނީ ކުއްލި ނުރައްކަލުގެ ހާލަތް ނޫން އެހެނިހެން މައްސަލަތައް ހުށަހެޅުމާއި، ޕޮލިސް ސެޓްފިކެޓަށް އެދުމާއި، އަދި މައްސަލަތަކާ ގުޅޭ މަޢުލޫމާތު ސާފުކުރުން ފަދަ ޚިދުމަތްތަކެވެ.
