ތިލަފުށީގައި އެހެލާފައި އޮތް ޑިންގީއެއްގައި އަލިފާން ރޯވުމުގެ ހާދިސާއެއް ރޭ މެންދަމުގެ ވަގުތެއްގައި ހިނގައިގެން މާލެ ސަރަހައްދުގެ ސިފައިން އަވަސް ފިޔަވަޅުތަކެއް އަޅައިފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މިއަދު ހާމަކުރި ގޮތުގައި، 25 ފޫޓުގެ ދިގުމިނުގެ މި އުޅަނދުގައި އަލިފާން ރޯވެފައިވާކަމުގެ މަޢުލޫމާތު ރޭ 00:24 ގައި މާލެ އޭރިއާ ކޮމާންޑްގެ ތިލަފުށި ފަޔަރ ސްޓޭޝަނަށް ލިބުނެވެ. މި ޚަބަރާއެކު ވަގުތުން ފަޔަރ ފައިޓަރުން އެ ސަރަހައްދަށް ރަވާނާވެ، އަލިފާން ނިއްވުމުގެ މަސައްކަތް ފެށިއެވެ.
އެމްއެންޑީއެފްގެ ފަރާތުން އިތުރަށް ބުނީ، ފަޔަރ ފައިޓަރުންގެ އަވަސް އަދި ހަރުދަނާ މަސައްކަތުގެ ސަބަބުން، ޑިންގީއަށް އެއްވެސް ގެއްލުމެއް ނުވަނީސް އަލިފާން ވަނީ ނިއްވާލެވިފައެވެ. އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައިވާކަމުގެ ރިޕޯޓެއް ލިބިފައިނުވާކަންވެސް އެމްއެންޑީއެފްއިން ފާހަގަކުރިއެވެ. މިގޮތުން، ސިފައިންގެ އަވަސް އަދި ހަރުދަނާ ފިޔަވަޅުތަކުގެ ސަބަބުން، ބޮޑު ގެއްލުމަކާ ނުލައި މި ނުރައްކާތެރި ހާދިސާ ވަނީ ކޮންޓްރޯލްކުރެވިފައެވެ.
ކޮމެންޓު ފޮނުވާ