މިއަދު ފާހަގަކުރެވޭ ބައިނަލްއަގްވާމީ ޓޫރިޒަމް ދުވަހާ ގުޅިގެން ފުވައްމުލަކުގައި ޚާއްޞަ ހަރަކާތްތަކެއް ކުރިއަށް ގެންދިއުމަށް ހަމަޖެހިއްޖެއެވެ. މި ހަރަކާތްތަކުގެ ތެރޭގައި، ފުވައްމުލަކުގެ ޓޫރިޒަމް ދާއިރާއަށް އަގުހުރި ޚިދުމަތްތަކެއް ފޯރުކޮށްދީފައިވާ ފަރާތްތަކުގެ އަގުވަޒަންކުރުމަށް "ފުވައްމުލައް ޓޫރިޒަމް އެވޯޑު 2024″ ގެ ނަމުގައި ހަފްލާއެއް ބޭއްވުން ހިމެނެއެވެ.
މި ހަރަކާތްތަކުގައި ބައިވެރިވުމަށް ޓޫރިޒަމް މިނިސްޓަރު އިބްރާހިމް ފައިސަލް، މާލޭގެ މޭޔަރު އާދަމް އާޒިމް، އަދި އައްޑޫ މޭޔަރު އަލީ ނިޒާރު ފުވައްމުލަކަށް ވަޑައިގަންނަވާފައިވެއެވެ. މިނިސްޓަރު ފައިސަލްގެ މި ދަތުރުފުޅުގައި، ފުވައްމުލަކުގެ ޓޫރިޒަމް ސިނާއަތުގައި ހަރަކާތްތެރިވާ ފަރާތްތަކާ ބައްދަލުކުރައްވައި، އެ ރަށުގައި ޓޫރިޒަމް ކުރިއެރުވުމަށް ކުރެވިދާނެ ކަންކަމާއި ދިމާވެފައިވާ ގޮންޖެހުންތަކާ ގުޅޭގޮތުން މަޝްވަރާކުރެއްވުމަށް ހަމަޖެހިފައިވެއެވެ.
ފުވައްމުލަކު ކައުންސިލުން ފާހަގަކުރައްވާ ގޮތުގައި، މިނިސްޓަރުގެ މި ދަތުރުފުޅުގެ ސަބަބުން އެ ރަށުގެ ޓޫރިޒަމް ސިނާއަތަށް އިތުރު ހިތްވަރެއް ލިބިގެންދާނެއެވެ. މިހާރުވެސް 50 އަށްވުރެ ގިނަ ގެސްޓްހައުސް ހިންގަމުންދާ ފުވައްމުލަކަކީ، ރީތި ހުދު ދޮންވެލި ގޮނޑުދޮށާއި ބޮޑު ތުނޑިއެއް އޮންނަ، ޑައިވަރުންގެ މެދުގައި މަޤްބޫލު ސަރަޙައްދެއްގައި އޮންނަ ރަށެކެވެ.
ކޮމެންޓު ފޮނުވާ