ސްރީ ލަންކާގައި އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބާ ގުޅިގެން، އެ ޤައުމުގައި ދިރިއުޅޭ ދިވެހިންނަށް ސަމާލުކަން ދިނުމަށް ރާއްޖޭގެ އެމްބަސީން އިލްތިމާސްކޮށްފިއެވެ. އެމްބަސީން ދިވެހިންނަށް ފޮނުވި މެސެޖެއްގައި ބަޔާންކޮށްފައިވަނީ، މި އިންތިޚާބާ ގުޅިގެން ލަންކާގެ ސަލާމަތީ ފިޔަވަޅުތައް އިތުރުކޮށްފައިވާ ކަމަށާއި، މިކަމަށް ދިވެހިން ވެސް ސަމާލުވުމަށް އެދޭ ކަމަށެވެ.
އެމްބަސީގެ އިރުޝާދުތަކުގައި، ބޭރަށް ނުކުންނައިރު ކާކުކަން އަންގައިދޭ ރަސްމީ ލިޔުމެއް އަބަދުވެސް އަތުގައި ބެހެއްޓުމަށާއި، ގިނަ މީހުން އެއްވެ އުޅޭ ސަރަޙައްދުތަކާއި ވޯޓުލާ މަރުކަޒުތަކާ ދުރުހެލިވުމަށް އަދި ދަންވަރު ގަޑިތަކުގައި ބޭރަށް ނުކުތުން މަދުކުރުމަށް އިލްތިމާސްކޮށްފައިވެއެވެ. މީގެ އިތުރުން، ފުލުހުންނާއި ސަލާމަތީ ޚިދުމަތްތަކުގެ އިރުޝާދުތަކަށް ފުރިހަމައަށް ތަބާވުމަށާއި، ބޭނުންވާނެ މުހިންމު ތަކެތި ކުރިއާލާ ހޯދުމަށް ވެސް އެމްބަސީން އިލްތިމާސްކޮށްފައިވެއެވެ.
ނިމިގެން އަންނަ ހަފްތާގެ ބަންދު ދުވަސްތަކަށް ރިޢާޔަތްކޮށް، ވިސާއާ ގުޅުންހުރި ކަންކަން ވީހާވެސް އަވަހަކަށް ނިންމުމަށް ވެސް ލަންކާގައި ހުންނަ ދިވެހިރާއްޖޭގެ އެމްބަސީން ދިވެހި ރައްޔިތުންނަށް އިލްތިމާސްކޮށްފައިވެއެވެ.
