ޤުރުއާންއާއި މާތް ނަބިއްޔާގެ ހަދީސްއާއި ޚިލާފްވާގޮތަށް އެކި ފަރާތްތައް މާތް ކުރުމަކީ ޝިރުކަށް މަގުފަހިވެދާނެ ކަމެއް ކަމުގައި މިއަދުގެ ހުކުރު ޚުޠުބާގައި ވިދާޅުވެއްޖެއެވެ.
"ޝިރުކު ކުރުމުން ދުރުހެލިވާށެވެ!" މި މައުޟޫއަށް ޚާސް ކުރެވިގެންދިޔަ ޚުޠުބާގައި ވިދާޅުވި ގޮތުގައި މުސްލިމުން އެކި ފަރާތްތައް މާތް ކުރައްވާނީ އިސްލާމް ދީނުގައި ހުއްދަ ކުރައްވާފައިވާ މިންވަރަށް ކަމުގައެވެ. އަދި މުސްލިމުން ކަންތައް ކުރަންވާ ގޮތަ ދީނުގައި ވަރަށް ފުރިހަމަޔަށް ބަޔާން ކުރައްވާފައިވާކަމުގައިވެސް ޚުޠުބާގައި ވިދާޅުވެފައި ވެއެވެ.
އެހެންކަމުން އެފަދަ ވިޔާނުދާ އަމަލުތަކަށް އަރައި ނުގަތުމަށް ޚުޠުބާގައި ނަސޭހަތްތެރި ވެފައި ވެއެވެ.
މުސްލިމް އަޚުންނޭވެ! ޝިރުކު ކުރުމަކީ ހަމައެކަނި ބުދަށް އަޅުކަން ކުރުމެއް ނޫނެވެ. އަހަރެމެންނަށް ނޭނގި އަހަރެމެން ހީވެސް ނުކުރާފަދަ ގޮތަކަށް ޝިރުކު ކުރެވެއެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
