މުވައްޒަފުންނަށް އުމުރުން 75 އަހަރު ވަންދެން ވަޒީފާގައި ދެމިތިބުމުގެ ފުރުސަތު ފަހިކޮށްދިނުމަށް، ސަރުކާރުން މަޝްވަރާ ބައްދަލުވުންތައް ފަށައިފިއެވެ. މި މަސައްކަތް ދައުލަތުގެ ހުރިހާ މުއައްސަސާތަކަށް ހިމެނޭގޮތަށް ފެށިފައިވާކަން ސަރުކާރުން މިއަދު ވަނީ ހާމަކޮށްފައެވެ. ހަޔާ އެޑިއުކޭޝަން މިނިސްޓްރީން މައުލޫމާތު ދިންގޮތުގައި، މި ކަމާ ގުޅޭގޮތުން ދައުލަތުގެ އެކި އިދާރާތަކާއެކު މަޝްވަރާ ބައްދަލުވުންތައް ކުރިއަށްގެންދަން ވަނީ ފަށާފައެވެ.
މި ސިޔާސަތުގެ ދަށުން، ދައުލަތުގެ ވަޒީފާތަކުން މުސްކުޅި ކުރެވިފައިވާ ފަރާތްތަކާއި، އުމުރުން 65 އަހަރުވުމުން ވަޒީފާގައި ދެމި ތިބުމަށް އެދޭ ފަރާތްތަކަށް އުމުރުން 75 އަހަރު ވަންދެން ދައުލަތުގެ ވަޒީފާގައި ދެމިތިބުމުގެ ފުރުސަތު ލިބިގެންދާނެއެވެ.
ޮދައުލަތުގެ ވަޒީފާތަކުން މުސްކުޅި ކުރެވިފައިވާ ފަރާތްތަކާއި އުމުރުން 65 އަހަރުވުމުން ވަޒީފާގައި ދެމި ތިބުމަށް އެދޭ ފަރާތްތަކަށް، ޢުމުރުން 75 އަހަރު ވަންދެން ދައުލަތުގެ ވަޒީފާގައި ދެމިތިބުމުގެ ފުރުޞަތު ފަހިކޮށްދިނުމުގެ ސިޔާސަތުގެ ދަށުން، ދައުލަތުގެ ހުރިހާ މުވައްސަސާތައް ހިމެނޭހެން… pic.twitter.com/Ev6CMCjwuz
— Min. of Higher Edu, Labour and Skills Development (@MoHEmv) August 25, 2024
ރައީސް ޑރ. މުހައްމަދު މުއިއްޒު ވަނީ ރިޓަޔާ ކުރާ އުމުރަށް އެޅުމުން ވެސް، އެ މީހަކު ވަޒީފާގައި ހުންނަން ބޭނުންވާނަމަ އެ ފުރުސަތު ހޯއްދަވައިދެއްވާނެކަމަށް ވައުދުވެވަޑައިގެންފައެވެ. ރިޔާސީ އިންތިޚާބުގެ ކެމްޕެއިން ޖަލްސާއެއްގައި ވާހަކަފުޅު ދައްކަވަމުން ރައީސް ވިދާޅުވީ، ވަޒީފާ ދޫކޮށް ގޭގައި ހުންނަން ޖެހުމުން ނަފްސާނީ ގޮތުން އެކި ކަހަލަ އުނދަގޫތަކާ ކުރިމަތިލާން ޖެހޭކަމަށާއި، އެ ސަބަބަށްޓަކައި ރިޓަޔާކުރުމަށްފަހު ވެސް ގިނަ މީހުން ކޮންޓްރެކްޓް އުސޫލުން ވަޒީފާ ހޯދާ ކަމަށެވެ.
ސަރުކާރުން މައުލޫމާތު ދިންގޮތުގައި، ހަޔާ އެޑިއުކޭޝަން މިނިސްޓްރީއިން ވަނީ ކުރިއަށް އޮތް އެއް މަސް ދުވަހުގެ ތެރޭގައި މި ބިލް ބަންޑާރަ ނައިބުގެ އޮފީހަށް ފޮނުވުމަށް މަސައްކަތް ކުރަމުންދާ ކަމަށެވެ.
