ރައީސް ޑރ. މުޙައްމަދު މުޢިއްޒުގެ ކްރިމިނަލް ޖަސްޓިސް އެޑްވައިޒަރު އަދި ކުރީގެ ޕްރޮސިކިއުޓަރ ޖެނެރަލް މުޙުތާޒް މުޙުސިން، ފޮރިން މިނިސްޓްރީގެ މަޤާމަކަށް ބަދަލު ކޮށްފިއެވެ.
އެނގިފައިވާ ގޮތުގައި މުޙުތާޒް ބަދަލުކޮށްފައިވަނީ ފޮރިން މިނިސްޓްރީގެ ސްޓޭޓް މިނިސްޓަރުގެ މަޤާމަށެވެ. އަދި އޭނާ ސިންގަޕޫރުގައި ހުންނަ ދިވެހިރާއްޖޭގެ ހައިކޮމިޝަނުގެ މަޤާމަކަށް އައްޔަންކުރުމަށްވެސް ހަމަޖެހިފައިވާކަމަށް ބައެއް މަސްދަތުތައް ބުނެއެވެ.
މުޙުތާޒް ރައީސް މުޢިއްޒުގެ ކްރިމިނަލް ޖަސްޓިސް އެޑްވައިޒަރުގެ މަޤާމަށް އައްޔަންކުރެވުނީ މިއަހަރުގެ ޖެނުއަރީ މަހުގެ ތެރޭގައެވެ.
މި ބަދަލު ގެނެވިފައިވަނީ، ހުސްވެފައިވާ ޕްރޮސިކިއުޓަރ ޖެނެރަލްގެ މަޤާމަށް މުޙުތާޒް އައްޔަންކުރުމަށް މަސައްކަތްކުރާކަމުގެ އަޑުފެތުރެމުންދާ ދަނޑިވަޅެއްގައެވެ.
ކޮމެންޓު ފޮނުވާ