އެފްރިކާގެ 20 ރެފިއުޖީއަކު ދަތުރުކުރިން ކުޑަ ބޯޓެއް ޓިއުނީޝިއާގެ ކަޑުގެ އައްސޭރި ފަށަށް ފެތިގެން 20 މީހަކު މަރު ވެއެޖެއެވެ.
މައުލޫމާތު ލިބިފައިވާ ގޮތުންގައި މިމީހުންނަކީ މެޑިޓެރޭނިއަން ކަނޑު ހުރަސްކޮށް، އިޓަލީގެ ރަށެއްކަމުގައިވާ، ލަމްޕެޑޫސާއަށް ދަތުރު ކުރަމުންދިޔަ ރެފިއުޖީން ތަކެކެވެ.
ޓިއުނީޝީއާގެ އޮފިޝަލުން ރޮއިޓާސްއަށް މައުލޫމާތު ދީފައިވާ ގޮތުގައި، އެގައުމުގެ ކޯސްޓުގާޑުން މި ކުޑަ އުޅަދުގައި ދަތުރުކުރި 5 މީހަކު ސަލާމަތް ކޮށްފައިވާ ކަމަށާއި އެހެންނަމަވެސް، އިތުރު 20 މީހުން އަދިވެސް ހޯދާ ނުފެނިފައި ވާކަމަށެވެ.
ޓިއުނީޝިއާގެ އައްސޭރިފަށުގައިވާ، ސަފެކްސް ޕޯޓަކީ، އެފްރިކާގައި ފެތުރިފައިވާ ބަޑުހައި ހޫނުކަމުންނާއި، ހަގުރާމަތަކުންނާއި، އަދި މެދުއިރުމަތީގެ ހަމަނުޖެހުންތަކުންވެސް ސަލާމަތްވެ އަމާން ދިރުއުޅުމެއް ހޯދުމަށް، ކަނޑުމަގުން ޔޫރަޕަށް ހިޖުރަ ކުރުމަށް ކުދި ކުދި އުޅަދުތަކުގައި ފުރައިގެން ދިއުމަށް މަޝްހޫރު ޕޯޓެކެވެ.
"މި ކުޑަ ބޯޓު ފެތިފައިވަނީ، ސަފެކްސް ޕޯޓާ 6 މޭލު ދުރުން. 2 މީހެއްގެ ހަށިގަޑު މިހާރުވަނީ ފެނިފަ. 5 މީހަކު ވަނީ ސަލާމަތް ކުރެވިފަ. މި އެންމެންނަކވެސްީ، އެފެރިކާގެ ސަބް-ސަހާރަން އަށް ނިސްބަތްވާ މީހުން،" ޓިއުނީޝިއާގެ ސެކިއއުރިޓީ އޮފިޝަލް އަލީ އަޔާރި ވިދާޅުވެފައި ވެއެވެ.
އޭނާ އިތުރަށް ވިދާޅުވި ގޮތުގައި މި ބޯޓު ފެތުނު އިރު، ބޯޓުގައި 45 މީހަކު ތިބި ކަމަށް ވެއެވެ.
