ބުޅާމަހުން ކާއެއްޗެހި ހަދައިގެން ވިއްކާކަމަށް ތުހުމަތު ކުރެވޭ، އަރަފާތު ހޮސައިން ނަމަކަށް ކިޔާ 32 އަހަރުގެ ބަންގްލަދޭޝް މީހަކު ހޯދުމަށް މޯލްޑިވްސް އިމިގްރޭޝަނުން އިޢުލާން ކޮށްފިއެވެ. މި މީހާއަށް ވަނީ ކުރިއަށް އޮތް ފަސް ދުވަހުގެ ތެރޭގައި އިމިގްރޭޝަނަށް ހާޒިރުވުމަށް އަންގާފައެވެ.
ސޯޝަލް މީޑިއާގައި ދައުރުވަމުންދާ މަޢުލޫމާތުތަކަށް ބަލާއިރު، މި މީހާ ވަނީ ގަވާއިދާ ޚިލާފަށް މާލޭ ވަޅޯމަސް މާރުކޭޓުގައި މަސައްކަތްކުރާ ކަމަށާއި، ބުޅާ ކަތިލައި، އޭގެ މަހުން ކާބޯތަކެތި ތައްޔާރުކޮށް ވިއްކާ ކަމަށް ތުހުމަތުކުރެވިފައެވެ.
ސޯޝަލް މީޑިއާގައި ދައުރުވަމުންދާ ވީޑިއޯއެއްގައި އޭނާ ދިރިއުޅޭ ގޭގައި ބޮޑު ދުންހޮޅިއެއް ހަރުކޮށްފައިވާ ތަން ފެނެއެވެ. އެ ގެ ކައިރީގައި ދިރިއުޅޭ މީހުން ބުނެފައިވަނީ، އެ ގޭ ކައިރިން މަރުވެފައިވާ ބުޅަލުގެ ގުނަވަންތައް ފެންނަ ކަމަށާއި، ބުޅަލުގެ ރުއިމުގެ އަޑު ވަރަށް ގިނައިން އިވޭ ކަމަށެވެ.
މި މައްސަލައާ ގުޅިގެން، މާލޭ ސިޓީ ކައުންސިލުން ހިއްސާކުރި މަޢުލޫމާތަކާ ގުޅިގެން، މ. ރީތި އޯކިޑްގެ ބަލައި ފާސްކޮށް، ދެ ބިދޭސީއަކު އިމިގްރޭޝަނުގެ ބެލުމުގެ ދަށަށް ގެނެވުނެވެ. މީގެ އިތުރުން، އެސް.އެމް.އީ ހަބްގައި ގަވާއިދާ ޚިލާފަށް ވިޔަފާރިކުރަމުންދިޔަ ތިން ބިދޭސީއަކު ވެސް އިމިގްރޭޝަނުގެ ބެލުމުގެ ދަށަށް ގެނެވުނެވެ.
މި މައްސަލައާ ގުޅޭގޮތުން އިތުރު ތަޙްޤީޤުތައް ކުރިއަށްދާ ކަމަށް އިމިގްރޭޝަނުން މަޢުލޫމާތު ދީފައިވެއެވެ. "ފެލީން ވެލްފެއަރ އޮގައިނައިޒޭޝަން" އިން ޕެޓް ކޮމިއުނިޓީ އަށް މި މީހާ ހޯދުމުގައި އެހީތެރި ވުމަށް އެކްސް ގައި ވަނީ ޕޯސްޓް ކޮށްފައެވެ.
Dear Pet Community…
Please Help Us find this culprit !!
Please share the post ..
If Seen, Report to@PoliceMv@ImmigrationMV@WICmvofficial
Or Us..Thank you !! pic.twitter.com/rRWRhbCz79
— Feline Welfare Organization (@FelineWO) August 19, 2024
