ޤުދުސްގެ މައްސަލައަކީ އިސްލާމްދީނާ ވަކި ނުކުރެވޭނެ މައްސަލައެއް ކަަމަށާއި އެއީ މުސްލިމުންގެ ބިމެއް ކަމުގައި މިއަދު ހުކުރު ޚުޠުބާގައި ވިދާޅުވެއްޖެއެވެ.
"ފަލަސްޠީނާއި މުސްލިމުން" މިމައުޟޫއަށް ޚާއްސަ ކުރެވިގެންދިޔަ ޚުޠުބާގައި ވިދާޅުވީ، މިއަދު މުސްލިމުންގެ ގިނަ ބަޔަކަަށް ޤުދުސްގެ ނަން މެނުވީ ނޭގޭކަހަލަ ކަމުގައެވެ. އަދި ޔަޒަނިސްޓުންގެ އަޑުގަދަ ދުންމާރިއާއި މީޑިއާގެ ޒަރީއާއިން އެއީ ޔަހޫދީންގެ ބިމެއްކަމުގައި ސާބިތު ކޮށްދެވޭތޯ މަސައްކަތް ކުރިކަމުގައިވިނަމަވެސް، އެއީ ހަމަ މުސްލުމުންގެ ބިމެއް ކަމަށާއި، އެ ބިމަކީ ފަލަސްތީނު މީހުންގެ ބިމެއް ކަމުގައި މިއަދު ޚުޠުބާގައި ތަކުރާރު ކޮށްފައި ވެއެވެ.
މުސްލިމް އަޚުންނޭވެ! ދުނިޔޭގެ ގައުމުތަކުގައި ދިރިއުޅޭ މުސްލިމުންގެ އަދަދު މިއަދު ވަނީ، ދެ ބިލިޔަނަށް އަރާފައެވެ. ޔަހޫދީގެ އަދަދަކީ ގާތްގަޑަކަށް ފަނަރަ މިލިއަންއެވެ. ސުވާލަކީ، މިފަދަ މަދު ޔަހޫދީންކޮޅަކަށް، މި ބޮޑު، އިސްލާމީ އުންމަތުގެ މައްޗަށް އަތްގަދަކޮށް އެ އުންމަތުގެ މުޤައްދަސް ބިންތައް ފޭރިގަނެވުނޫ ކޮން ގޮތަކުން ހެއްޔެވެ؟
މިއަދުގެ ހުކުރު ޚުޠުބާގައި ވިދާޅުވެފައި ވެއެވެ.
މިއަދުގެ ހުކުރު ޚުޠުބާގައި ވިދާޅުވީ ފަލަސްތީނުގެ މައްސަލައަކީ މުސްލިމުންގެ އަގީދާއާއި މުޅި އިސްލާމީ އުންމަތުގެ ވިންދާ ގުޅިފައިވާ މައްސަލައެއް ކަމުގައެވެ. އަދި ބަޔަކު ކިތަންމެ ވަރަކަށް އޮޅުވާލަން އުލުނު ކަމުގައިވި ނަމަވެސް ފަލަސްތީނުގެ ބިމާއި، މުސްލިމުންނާއި ގުޅިފައިވާ މިންވަރު އޮޅުވާނުލެވޭނެ ކަމަށާއި، ފަލަސްތީނަށް ވެރިވެގެންފައިވާ އަނިޔާވެރި ޒަޔަނިސްޓު ޔަހޫދީންގެ ނިރުބަވެރި ހަމަލާތަކުގެ ޝިކާރައަކަށްވެސް، އެތައް ހާސް ބަޔަކު މިއަދު ޝަހީދުވެގެން ގޮސްފައިވާކަމަށްވެސް މިއަދުގެ ޚުޠުބާގައި ވިދާޅުވެފައި ވެއެވެ.
މިއަދުގެ ޚުޠުބާގައި ވިދާޅުވީ އިސްލާމީ އުންމަތަށް ކުރިން ލިބުނު އިއްޒަތާއި ކަރާމާތް ލިބޭނީ ކީރިތި ޤުރުއާނާއި ރަސޫލާގެ ޠާހިރު ސުންނަތަށް ރުޖޫޢަވެ ދީނުގައި އަންގަވާފައިވާ ގޮތުގައި ސާބިތުވެ ތިބެގެން ކަމުގައެވެ.
