މިއަދުގެ ހުކުރު ނަމާދަށްފަހު ގެނެސްދިން ޚުޠުބާއަކީ ރާއްޖޭގައި އަންހެން ޢިލްމުވެރިއަކު ފުރަތަމަ ފަހަރަށް ލިއުއްވި ހުޠުބާކަމުގައި އިސްލާމިކް މިނިސްޓްރީން ބުނެފިއެވެ.
އެ މިނިސްޓްރީން ހާމަ ކުރައްވާފައިވާ ގޮތުގައި މިއަދުގެ ހުކުރު ޚުޠުބާ ލިޔުއްވީ އިސްލާމީ ކަންތައްތަކާ ބެހޭ ވަޒީރުގެ ނައިބު އަލްއުސްތާޒް ހައްވާ ލަޠީފްއެވެ.
އޭގެ އިތުރަށް އިސްލާމީ މަރުކަޒުގައި ކުރާ ހުކުރު ނަމާދުގެ ލައިވްގައި އިނގިރޭސި ތަރުޖަމާ ފުރަތަމަ ފަހަރަށް މިއަދުވަނީ ގެނެސްދޭން ފަށާފައެވެ.
މިއަދުގެ ޚުޠުބާގެ އިނގިރޭސި ތަރުޖަމާ ވުޒާރާގެ ފޭސްބުކް ޕޭޖުގެ ލައިވް އަދި އިސްލާމީ މަރުކަޒުގައި ބަހައްޓާފައިވާ ޓީވީތަކުން ވަނީ ގެނެސްދީފައެވެ. އަދި ކުރިއަށް އޮތް ހަފްތާއިން ފެށިގެން ޓީވީ ޗެނަލްތަކަށްވެސް ތަރުޖަމާގެ ފީޑު ދޭ ގޮތަށް ހަމަޖެހިފައިވާކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވަނީ ވިދާޅުވެފައެވެ.
"ޢާއިލީ ގުޅުން ދެމެހެއްޓުން" މި މައުޟޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޠުބާގައި ވިދާޅުވީ އާއިލާގެ ފަރާތުން ރައްކާތެރިކަމާއި އަޅާލުމާއި ލޯބި ނުލިބުމުގެ ސަބަބުން އާއިލީ ވެއްޓެއްގައި ދިރުއުޅުމުގެ ނަސީބުން މަހުރޫމްވެފައިވާ އެތައް ކުޑަކުދީންނާއި ދޮށީ އުމުރުގެ މީހުން ދިވެހި ރާއްޖޭގައިވެސް ދިރިއުޅެމުންދާ ކަމުގައެވެ.
ސަރުކާރުގެ ބެލުމުގެ ދަށުން ހިންގަމުންދާ މަރުކަޒުތަކުގައި އެބަތިއްބެވެ. މިއީ ދީނީގޮތުންނާއި، އިޖުތިމާއީ ގޮތުން ބަލާއިރު، ކޮންބޮޑުވާންޖެހޭ ކަމެކެވެ. އާއިލީ ވެށްޓެއްގައި އުފާވެރިކަމާއެކު ދިރިއުޅުމަކީ ކޮންމެ ފަރުދަކަށްވެސް ލިބިގެންވާ ޙައްގެކެވެ. އެ ޙައްގުން އާއިލާގެ މެމްބަރަކު މަޙުރޫމް ކުރުމަކީ އިންސާނީ ކުރިމަގަށް ނޭދެވޭ އެތައް އަސަރުތަކެއް ކުރާނެ ކަމެކެވެ.
މިއަދުގެ ހުކުރު ޚުޠުބާގައި ވިދާޅުވެފައިވެއެވެ.
ވަކީން ޚާއްސަކޮށް އުމުރުން ދުވަސްވީ އާއިލީ މީހުންނާއި، ޚާއްސައެހީއަށް ބޭނުންވާ މީހުންނާއި ނަފްސާނީ މައްސަލަތައް ކުރިމަތިވެފައިވާ ފަރާތްތަކަށް އެފަރާތްތަކުގެ އާއިލާތުގެ އަޅާލުމެއް ނެތި، މިފަދަ މަރުކަޒުތަކުގައި ދިރިއުޅޭން ޖެހުމަކީ އެފަރާތްތަކުގެ ނަފްސާނީ ދުޅަހެޔޮކަން އިތުރަށް ގޯސްވުމަށް މަގުފަހިވާނެ ކަމެއްކަންވެސް މިއަދުގެ ޚުޠުބާގައި ބަޔާން ކުރައްވާފައި ވެއެވެ.
ޚުޠުބާގައި ވިދާޅުވީ މިކަންކަމާމެދު ފުންކޮށް ވިސްނައި، އާއިލީ ގުޅުން ވަރުގަދަ ކުރުމަށްޓަކާ އާއިލާގެ މެމްބަރުންނަށް އާއިލީ ވެއްޓެއްގައި ދިރިއުޅުމުގެ ހައްގު ހޯދައިދިނުމަށް އާއިލާގެ ކޮންމެ ފަރުދަކު މަސައްކަތް ކުރަން ޖެހޭނެ ކަމުގައެވެ.
