ސައުތު އޭޝިއަން އެސޯސިއޭޝަން ފޯރ ރީޖަނަލް ކޯޕަރޭޝަން (ސާކް) ގެ ސެކްރެޓަރީ ޖެނެރަލް، އެކްސެލެންސީ ގުލާމް ސަރްވަރު މިއަދު ހެނދުނު ރައީސް އޮފީހުގައި ރައީސުލްޖުމްހޫރިއްޔާ އެކްސެލެންސީ ޑރ. މުޙައްމަދު މުޢިއްޒުއަށް އިޙްތިރާމުގެ ޒިޔާރަތެއް ކުރައްވައިފިއެވެ.
މި ބައްދަލުވުމުގައި، ސާކް ސެކްރެޓަރީ ޖެނެރަލް ބައްދަލުވުން ދެއްވިކަމަށްޓަކައި ޝުކުރު އަދާކުރައްވައި، މެމްބަރު ޤައުމުތަކަށް ފައިދާވާ ގޮތަށް ސާކުން ހިންގަމުންދާ އެކި ޕްރޮގްރާމްތަކާ ބެހޭގޮތުން ރައީސަށް މަޢުލޫމާތު ދެއްވިއެވެ. ރައީސް ދިވެހި ސަރުކާރުގެ އެއްބާރުލުމާއި ސާކް ވަރުގަދަކުރުމަށް ކުރާ މަސައްކަތް ކަށަވަރުކޮށްދެއްވައި، ސާކް ސެކްރެޓަރީ ޖެނެރަލްގެ ލީޑަރޝިޕަށް ތަޢުރީފު ކުރެއްވިއެވެ. އަދި ވިޔަފާރީގެ ދާއިރާއިން ސަރަޙައްދީ އެއްބާރުލުން އިތުރުވާނެކަމުގެ އުންމީދު ރައީސް ފާޅުކުރެއްވިއެވެ.
މި ބައްދަލުވުމުގައި ވާހަކަދައްކަވަމުން، ސާކް ސެކްރެޓަރީ ޖެނެރަލް ފާހަގަކުރެއްވީ ދިވެހި ސަރުކާރުން 1985 ގައި ސާކް އުފެދުނީއްސުރެ ސާކަށް ފުރިހަމައަށް އެއްބާރުލުންދީ، އޭގެ ތަރައްޤީއަށް ޙިއްޞާކޮށްފައިވާކަމެވެ.
ދިވެހިރާއްޖެއަކީ ސާކްގެ މުއައްސިސް މެމްބަރެކެވެ. ސާކް ރަސްމީކޮށް އުފެދުނީ 1985 ޑިސެމްބަރ 8 ވަނަ ދުވަހު ޑާކާގައި ސާކް ޗާޓަރުގައި ސޮއިކުރުމާ އެކުގައެވެ.
ކޮމެންޓު ފޮނުވާ