މިދިޔަ އަހަރުގެ ތެރޭގައި ޝޫޓިން ނިންމާފައި އޮތް ބޮލީވުޑްގެ އެކްޓަރު ވަރުން ދަވަން ގެ އަލަތު ވެބް ސީރީޒް "ސިޓަޑެލް: ހަނީ ބަނީ" ގެ ޓީޒާ ޓްރެއިލާ ދައްކާލައިފި އެވެ.
އެމެޒޯން ޕްރައިމް ވީޑިއޯ އިން ނޮވެމްބަރު 7 ގައި ޕްރީމިއާ ކުރަން ހަމަޖެހިފައިވާ މި ސީރީޒަކީ "އެވެންޖާސް އެންޑްގޭމް" ގެ ޑައިރެކްޓަރުން ކަމަށްވާ އެންތަނީ އާއި ޖޯ ރުސޯ މިދިޔަ އަހަރު ޕްރިޔަންކާ ޗޯޕްޅާ އާއި ރިޗަޑް މެޑެން ހިމަނައިގެން އެމެޒޯން ޕްރައިމަށް ގެނައި ސީރީޒް "ސިޓަޑެލް" އާ ގުޅުވައިގެން ހަދާފައިވާ ސީރީޒެކެވެ.
View this post on Instagram
މި ވެބް ސީރީޒް ގައި ވަރުން އާއި އެކުގައި ފެނިގެންދާނީ ސައުތުގެ އެންމެ މަޝްހޫރު އެއް ބަތަލާ ސަމަންތާ ރޫތްޕަރަބޫއެވެ. މިއީ މިދެތަރިން އެކުގައި މަސައްކަތް ކުރި ފުރަތަމަ ފަހަރެވެ.
