މިސަރުކާރުގެ އަމާޒަކީ ފްލެޓްތައް ނިމެންވާއިރަށް ފްލެޓް ލިބޭ މީހުންގެ ލިސްޓް ފައިނަލް ކޮށްނިންމުން ހައުސިން މިނިސްޓަ ޑރ. ހައިދަރު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޕެޓިޝަން ކޮމިޓީގެ ބައްދަލުވުމުގައި ވާހަކަ ދައްކަވަމުން ޑރ. ހައިދަރު ވިދާޅުވީ، މިހާރު ބިނާ ކުރެވެމުންދާ އެއްވެސް ފްލެޓެއް ނިމި އެހެންނަމަވެސް އެ ފްލެޓްތައް ހުސްކޮށް ނުހުންނާނެ ކަމުގައެވެ.
މިއަދުގެ ކޮމިޓީގައި މެމްބަރުން ކުރެއްވި ސުވާލުތަކަސް ޖަވާބު ދެއްވަމުން މިނިސްޓަރ ވިދާޅުވީ ފްލެޓްތައް ދިނުމުގައި ދިރިއުޅުމުގެ ހާލަތު ވަޒަންކުރާނީ ލިބެންހުރި ރަސްމީ މައުލޫމާތުގެ މައްޗަށް ބިނާކޮށް ކަމުގައެވެ. އަދި މިނިސްޓަރ ވިދާޅުވީ ފްލެޓްތައް ހަވާލުކުރެވިގެން ދާނީ އެންމެ ހައްގު ފަރާތްތަކަށް ކަމަށާއި، ހައްގު ފަރާތްތަކަށް ފްލެޓްތައް ދެވިއްޖެނަމަ، ފްލެޓް ލިބޭ ފަރާތްތަކުން ފްލެޓްތައް ކުއްޔަށް ނުދޭނެކަމަށާއި، އެންމެ ހައްގުވާ ފަރާތްތަކަށް ކަމަށް ވާނަމަ ކުއްޔަށް ނުދޭނެ ކަމުގައެވެ.
އަދި ހައިދަރު ވިދާޅުވީ މިހާރު ސަރުކާރުން ކުއްޔަށް ދީފަ ހުރި ފްލެޓްތައް، ކުއްޔަށް ދީފަހުރިކަން އެނގޭނަމަ މިނިސްޓްރީން ފިޔަވަޅު އަޅާނެ ކަމުގައެވެ.
