ކްރިމިނަލް ކޯޓަށާއި ސިވިލް ކޯޓަށް އަލަށް އައްޔަނުކުރި ހަ ފަނޑިޔާރުން މާދަމާ ސުޕްރީމް ކޯޓުގައި ހުވާކުރައްވާނެއެވެ.
ޖުޑީޝަލް ސާވިސް ކޮމިޝަން (ޖޭއެސްސީ)އިން ބުނާ ގޮތުގައި، ފަނޑިޔާރުން ހުވާކުރެއްވުމާއި ފަތްކޮޅު އެރުވުމުގެ ރަސްމިއްޔާތު އޮންނާނީ މާދަމާ ހެނދުނު 9:30ގައި ސުޕްރީމް ކޯޓުގައެވެ. ދެ ކޯޓަށް ޖުމްލަ ހަ ފަނޑިޔާރުން ހޯދުމަށް ޖޭއެސްސީން މީގެ ކުރިން ވަނީ އިއުލާންކޮށްފައެވެ.
ސިވިލް ކޯޓަށް އައްޔަނުކުރައްވަނީ ރ. ހުޅުދުއްފާރު/ރޯޒްވިލާ، އާސިޔާ އަޒީމާ އާއި ގއ. ކަނޑުހުޅުދޫ/ރީލް މަންޒިލް، މުހައްމަދު ނިޝާތުގެ އިތުރުން، އެންވަޔަރަމަންޓް މިނިސްޓްރީގެ ކުރީގެ ޑެޕިއުޓީ މިނިސްޓަރު މުހައްމަދު ރާގިބެވެ.
ކްރިމިނަލް ކޯޓަށް އައްޔަނުކުރައްވަނީ ހއ. ދިއްދޫ/ޑޭޒީމާގޭ، އަހުމަދު ތައުފީގު އާއި ތ. ވޭމަންޑޫ/ޑްރީމް، މުހައްމަދު އަބްދުالله އަދި ޅ. ކުރެންދޫ/ނޫރާނީގެ، ސުލައިމާން މުހައްމަދެވެ.
ކޮމެންޓު ފޮނުވާ