ބޮލީވުޑްގެ މަޝްހޫރު އެކްޓަރު ދަލްގޫރް ސަލްމާން ރާއްޖެ އަތުވެއްޖެއެވެ.
ކާމިޔާބު އެތައް ފިލްމެއް ކުޅެފައިވާ އިންޑިއާގެ ދެކުނު މަޝްހޫރު އެކްޓަރު ދަލްގޫރް ރާއްޖެ އައިސްފައި މިވަނީ އޭނާގެ އުފަން ދުވަސް ފާހަގަ ކުރުމަށް ކަމަށް މީޑީއާ ރިޕޯޓްތަށް ބުނެއެވެ.
މިއަދު ފާހަގަ ކުރާ 40 ވަނަ އުފަންދުވަހަށް ރާއްޖެ އާއި އިރުގައި އޭނާ އާއި އެކުގައި އޭނާގެ އާއިލާ އިން ވެސް ވަނީ ރާއްޖެ އައިސްފައިއެވެ. އެގޮތުން އޭނާގެ ދަރިފުޅާއި އަންހެނުން އޭނާ އާއި އެކުގައި ވަނީ ރާއްޖެ އައިސްފައިއެވެ.
ދަލްގޫރު ވަނީ އޭނާ ރާއްޖޭގައި އުފަންދުވަސް ފާހަގަ ކުރި، ބައެއް ފޮޓޯ ތަށް ސޯޝަލް މީޑިއާ ގައި ވަނީ އާންމުވެފައިއެވެ. އެގޮތުން ދަރިފުޅާއި އެކުގައި ކޭކު ފަޅާ ފޮޓޯއެއް ވެސް ވަނީ އާންމުކޮށްފައިއެވެ.
View this post on Instagram
ދަލްގޫރް އެންމެ ފަހުން ވަރުގަދަ ރޯލަކުން ފެނިފައި ވަނީ މިދިޔަ އަހަރު ރިލިޒްކުރި މަލަޔާޅަމް ފިލްމު "ކިންގް އޮފް ކޯތާ" އިންނެވެ. މިދިޔަ މަހު ރިލީޒްކުރި ޕްރަބާސް އާއި ދީޕިކާ ޕަދްކޯންގެ "ކަލްކީ: 2898 އޭޑީ" ގެ ވަރަށް ހާއްސަ ފެނިލުމެއްގައި ދަލްގޫރް ހިމެނޭ އިރު، އޭނަގެ ކުރިއަށް އޮތް ފިލްމަކީ ސެޕްޓެމްބަރު 7 އަށް ތާވަލުކޮށްފައި އޮތް "ލަކީ ބާސްކަރް" އެވެ.
