ހޮރްމޫޒް ކަނޑުއޮޅި ހުޅުވައި ހަނގުރާމަ ނިމުމަކަށް ގެނައުމަށް ހަތް ދުވަހުގެ ރޯޑްމެޕެއް އީރާނުން ހުށަހަޅައިފިއެވެ.
މި ހުށަހެޅުމާ ބެހޭ ގޮތުން ހާމަކުރެއްވީ އީރާނުގެ ފޮރިން މިނިސްޓަރު އައްބާސް އަރަޣްޗީ، ނޫސްވެރިންނާ ބައްދަލުކުރެއްވި ބައްދަލުވުމެއްގައެވެ. އޭނާ ވިދާޅުވީ، މި ރޯޑްމެޕާ މެދު އެމެރިކާއިން އެއްބަސްވާނަމަ، އެއަށް ވަގުތުން އަމަލުކުރަން ފެށުމަށް އީރާން ތައްޔާރު ކަމަށެވެ.
މީގެ ރައްދުގައި އެމެރިކާގެ ސްޓޭޓް ޑިޕާޓްމަންޓްގެ ތަރުޖަމާނު ޓޮމީ ޕިގޮޓް ބުނީ، ފުރަތަމަ ދުވަހުން ފެށިގެން އީރާނާއެކު ޑިޕްލޮމަސީގެ ތެރެއިން މައްސަލަ ހައްލުކުރުމުގެ ފުރުޞަތު އެމެރިކާއިން ހުޅުވާލާފައި ވާ ކަމަށެވެ. އަދި އެ މަގަށް ހުރަސް އަޅަމުން އަންނަނީ އެމެރިކާ ނޫން ކަމަށް ވެސް ޕިގޮޓް ބުންޏެވެ.
ކޮމެންޓު ފޮނުވާ