ރިޒުގު ހޯދާން އެދޭމީހާ ހީވާގިކަމާއެކު މަސައްކަތް ކުރާންޖެހޭނެ ކަމުގައި މިއަދުގެ ހުކުރު ޚުޠުބާގައި ވިދާޅުވެއްޖެއެވެ،
މމޖސ އަށް ޚާއްސަ ކުރެވިގެންދިޔަ ޚުޠބާގައި ވިދާޅުވީ ހައްގު ގޮތުގައި ރިޒުގު ހޯދާން މަސައްކަތްކުރާ މީހާ، ﷲގެ މަގުގައި ޖިހާދުކުރާ މީހެއްފަދަ ކަމުގައެވެ. އަދި އޭނާއަށް ﷲ ރިޒުގު ތަނަވަސް ކޮށްދެއްވާނެކަމުގައިވެސް މިއަދުގެ ހުކުރު ޚުޠުބާގައި ވިދާޅުވެފައި ވެއެވެ.
ޢީސާގެފާނާއިގެން ރައްކައުވެވަޑައިގަތުމުގެ ވޭންވަރު އައި ނާޒުކު ދަނޑިވަޅުގައިވެސް، މާތްﷲ މަރްޔަމްގެފާނަށް އަމުރުކުރެއްވީ ކަދުރު ރުކުގެ ގަސްގަނޑު ހަލުވައިލެއްވުމަށެވެ. ރުކުގައި ހުރި ކަދުރު ބިންނެވުމަށްޓަކާ މަސައްކަތް ކުރެއްވުމަށެވެ.
މިއަދުގެ ޚުޠުބާގައި ވިދާޅުވެފައި ވެއެވެ.
ޚުޠުބާގައި އިތުރަށް ވިދާޅުވި ގޮތުގައި އިސްލާމް ދީނުގައި މަސައްކަތަކީ އަޅުކަމެއް ކަމުގައެވެ. އަދި ﷲފެ ހަޒުރަތުގައިވެސް އަދި ދުނިޔޭގެ ނަޒަރުގައިވެސް މަސައްކަތް ކުރާމީހާއާއި މަސައްކަތް ނުކުރާ މީހާ ހަމަހަމަވެގެން ނުވާކަމުގައިވެސް މިއަދުގެ ޚުޠުބާގައި ބަޔާންކުރައްވާފައި ވެއެވެ.
މަސައްކަތް ނުކުރާ މީހާއީ ﷲ ރުއްސަވާ މީހެއް ނޫނެވެ. އަދި އޭނާ ވާނީ އޭނާގެ އަމިއްލަ ނަފްސަށާއި، އަނބިދަރީންނަށް ޖެހިފފައިވާ ބުރައަކަށެވެ. ދުންޔަވީ ޙަޔާތް ބާއްޖަވެރިވެ، އޭގެ ފޮނިކަމާއި މީރުކަން ފުރިހަމަވާނީ، ތިމާއަށާއި އެހެން މީހުންނަށް ފައިދާހިރި ޙަލާލު މަސައްކަތެއްކޮށް، އާމްދަނީ ހޯދައިގެންނެވެ.
ޚުޠުބާގައި ވިދާޅުވެފައި ވެއެވެ.
އަދި ޚުޠުބާގައި ވިދާޅުވީ މާތް ﷲ ދެއްވާ ރިޒުގުގައި ބަރަކާތްލައްވާ ކަންކަމުގެ ތެރޭގައި، ފަތިހާ ތެދުވެ ރިޒުގު ހޯދާން މަސައްކަތް ފެށުން ހިމެނޭ ކަމުގައެވެ.
