މުޅި އައްޑޫ ސިޓީއިން މިރޭ ކަރަންޓު ގޮސްފައި ވަނިކޮށް އެސިޓީގެ ހިތަދޫގެ ބައެއް ސަރަހައްދުތައް ފިޔަވާ އެހެން ރަށްތަކަށް ކަރަންޓު ދީފިކަމަށް ފެނަކައިްނ ބުނެފިއެވެ.
އައްޑޫ ސިޓީގެ ރަށްތަކުން ކަރަންޓު ގޮސްގައިވަނީ މިރޭ 10؛30 ހާއިރުއެވެ.
ފެނަކައިން ކުރި އެކްސް ޕޯސްޓުގައި ބުނެފައިވަނީ، އެޗްވީ ކޭބަލްއަށް ދިމާވި މައްސަލައަކާއި ގުޅިގެން ސ.ހިތަދޫ ސީ.ޕީ.އެސްއާ ގުޅިފައިވާ ރަށްތަކުން މިރޭ 10:28 ގައި ކުއްލިގޮތަކަށް ކަރަންޓު ކެނޑިފައިވާކަމަށެވެ. އަދި ޖަނަރޭޓަރުތައް އަލުން ހިންގައި، ހިތަދޫގެ ބައެއް ސަރަހައްދުފިޔަވައި، ގުޅިފައިވާ ރަށްތަކުގައި ކަރަންޓް އިޔާދަ ކުރުމުގެ މަސައްކަތްވަނީ ފެށިފައިވާކަމަށްވެސް ފެނަކައިން ބުނެފައި ވެއެވެ. ފެނަކައިން ބުނެފައިވަނީ ހިތަދޫގެ ލޯޑު ނުދެވިހުރި ސަރަހައްދުތަކަށް ލޯޑު ދިނުމުގެ މަސައްކަތް ކުރެވެމުންދާއިރު ރައްޔިތުންނަށް ކުރިމަތި ވާނެ އުނދަގޫތަކަށް މަޢާފަށް އެދޭ ކަމުގަމެވެ.
ދާދިފަހުންވެސް އައްޑޫ ސިޓީގެ ހުރިހާ ރަށަކުން ކަރަންޓު ގޮސްފައި ވެއެވެ. އަދި ދާދިފަހުން ފެނަކައިންވަނީ އައްޑޫ ސީޓީއަށް ދިމާވަމުންދާ ކަރަންޓުގެ މައްސަލަތަކަށް ދާއިމީ ހައްލެއް ހޯދުމަށް އެސިޓީގެ ގުޅިފައިވާ ރަށްތަކުގެ ކަރަންޓު އަޕްގްރޭޑް ކުރުމުގެ މަސައްކަތްތަކެއް ކޮށްފައެވެ.
