ރާއްޖޭގެ ފުރަތަމަ ފަހަރަށް ބޭރުގެ ޔުނިވަރސިޓީއެއްގެ ކެމްޕަހެއް ގާއިމްކުރަން ހަޔަ އެޑިއުކޭޝަން މިނިސްޓްރީއާއެކު މަޝްވަރާ ކޮށްފިއެވެ.
ބޭރުގެ ޔުނިވަރސިޓީއެއްގެ ކެމްޕަހެއް ގާއިމްކުރަން ހަޔަ އެޑިއުކޭޝަން މިނިސްޓްރީއާއެކު މަޝްވަރާ ކޮށްފައިވަނީ، ރާއްޖޭގައި އަރަބި ބަސް ކިޔަވައިދިނުމަށް އިންސްޓިޓިއުޓެއް ގާއިމްކުރުމަށްޓަކާ ސައުދީގެ އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީއާއެވެ. މިނިސްޓްރީން ބުނެފައިވަނީ ކެމްޕަސް ގާއިމް ކުރުމަށް އެޔުނިވަރސިޓީން ޝައުގުވެރިކަން ފާޅުކޮށްފައިވާ ކަމުގައެވެ.
އަލް އިމާމް މުހައްމަދު އިބްނު ސައުދު އިސްލާމިކް ޔުނިވާސިޓީގެ ކެމްޕަހެއް ގާއިމް ކުރުމާއި ގުޅޭގޮތުން މަޝްވަރާ ކޮށްފައިވަނީ ހަޔަ އެޑިއުކޭޝަން މިނިސްޓްރީގެ ދެ ސްޓޭޓް މިނިސްޓަރުން ކަމަށްވާ ޑރ. އަބްދުﷲ ނަޒީރާއި އަހުމަދު ޝަފީއުއާއެކު، އެ ޔުނިވާސިޓީގެ އިސްވެރިން ވަނީ މިދިޔަ ބުރާސްފަތި ދުވަހުއެވެ.
ބައެއް މީޑިއާތަކަށް މައުލޫމާތު ދެއްވަމުން ޑރ. ނަޒީރު ވިދާޅުވީ ރާއްޖޭގައި އަރަބި ތައުލީމް ފުޅާކުރަން އެ ޔުނިވާސިޓީން ޝައުގުވެރިކަން ފާޅުކޮށްފައިވާ ކަމުގައެވެ.
އަދި އޭނާ ވިދާޅުވީ މިއީ ބޭރުގެ ކެމްޕަހަކަށްވާތީ އެހެން ގައުމުތަކުގެ ދަރިވަރުންނަށްވެެސް މި ކެމްޕަހުގައި ތައލީމު ހާސިލްކުރުމުގެ ފުރުސަތު އޮންނާނެ ކަމުގައެވެ. ނަޒީރު ވިދާޅުވެފައިވަނީ ސަރުކާރުގެ ބޭނުމަކީ އަރަބި އިސްލާމީ ތައުލީމް ފުޅާކުރުމުގެ ޕްރޮގްރާމްގެ ތެރެއިން އަރަބި ބަސް ކިޔަވައިދޭން ޓީޗަރުން އުފެދިގެން ދިއުން ކަމަށާއި، އަދި އަރަބި ބަސް ކިޔަވައިދޭން ބޭނުންފުޅުވާ ބޮޑެތި މީހުންނަށް ހާއްސަ ކްލާސްތަކެއް ހިންގުން ކަމުގައެވެ. އޭގެ އިތުރުން އަރަބި ބަސް މި ރާއްޖޭގެ ސްކޫލުތަކަށް ފޯރުކޮށްދިނުމަށްޓަކައި ބޭނުންވާ މީހުން މީގެ ތެރެއިން ތަމްރީންވާނެކަމަށްވެސް އޭނާ ވިދާޅުވިއެވެ.
އަދި އޭނާ ވިދާޅުވީ ބައިނަލްއަގުވާމީ ޔުނިވާސިޓީގެ ކެމްޕަހެއް ރާއްޖޭގައި ގާއިމްކުރެވިގެން ދިއުންމަކީ ވަރަށް ބޮޑު އިންވެސްޓްމަންޓަކަށް ހުޅުވިގެން ފުރުސަތެއް ކަމުގައެވެ.
