ތިލަފުށީގެ ދެވަނަ ފިޔަވަހިން ބިން ވިއްކާ އުސޫލަށް ބަދަލު ގެނެސްފިއެވެ.
ތިލަފުށިން ބިން ވިއްކާ އުސޫލު މީގެ ކުރިން އޮތް ގޮތުން ކޮންމެ ފަރާތަކަށްވެސް ހުށަހެޅޭނީ އެންމެ ބީލަމެކެވެ. ނަމަވެސް އުސޫލަށް މިހާރު ގެނެސްފައިވާ ބަދަލާއެކު ކޮންމެ މީހަކަށްވެސް އެއްބީލަމަށް ވުރެ ގިނަ ބީލަން ހުށަހެޅޭނެއެވެ.
އުސޫލުގައިވާގޮތުން ބީލަމުގެ އަދަދު ޖެހުމަށް ހާއްސަ ކުރެވިފައިވާ ގޮޅީގެ ބޭނުން ކޮށްގެން އެ ވަގުތެއްގައި އެންމެ މަތިން ހުށައަޅަފައިވާ އަގަށް 15 ރުފިޔާއަށް ވުރެ މަތިން އެފަރާތްތަކުން އިހުތިޔާރުކުރާ ކޮންމެ އަދަދެއް އިތުރު ކޮށްގެން ބީލަން ހުށައެޅޭނެއެވެ.
ތިލަފުށީގެ ދެވަނަ ފިޔަވަހިން ހިއްކާފައިވާ ބިންތަކުގެ ތެރެއިން ވިއްކަން ހަމަޖެހިފައިވަނީ ތިން ސައިޒުގެ 108 ބިމެކެވެ.
އެއްފަރާތަށްވުރެ ގިނަ ފަރާތުން އެއް ބިމަކަށް ޝައުގުވެރިކަން ފާޅުކޮށްފިނަމަ އެ ބިމެއް ވިއްކާނީ ބީލަމުގެ އުސޫލުން ކަމަށާއި އަދި ބީލަން ހުށަހެޅޭނެ އެންމެ ކުޑަ އަގަކީ 1،700 ރުފިޔާ ކަމަށް އެޗްޑީސީން ބުނެފައިވެއެވެ.
