ފާއިތުވި ބޮޑު އީދުގައި ހުށެހެޅި ނެށުމުގެ ރީތި އައިޓަމްތަކާއެކު ނަންވިދާލި ކަމަދޫ ނަށާ ގުރޫޕަށް، މަހުޖަނު މުހައްމަދު މޫސާ، އުޗު ޚާއްސަ ދައުވަތެއް ދެއްވައިފިއެވެ.
އުއްޒުގެ ދައުވަތަކަށް ކަމަދޫ ސަގާފީ ކުޅިވަރު ގުރޫޕުން އައިޓަމްތައް ހުށަހަޅާ ދީފައިވަނީ ކުރެއްދޫ އައިލެންޑު ރިސޯޓުގައެވެ. އެ ރިސޯޓުގައި ސަގާފީ ނެށުމުގެ އިތުރުން ތަފާތު އެކި ހަރަކާތްތައްވެސް ވަނީ ކުރިޔަށް ގެންގޮސްފައެވެ. އަދި މި ހަރަކާތްތަކުގައި ކަމަދޫ ސަގާފީ ކުޅިވަރު ގުރޫޕުގައި ހިމެނޭ އަންހެން އަދި ފިރިހެން ނެށުންތެރިންވެސް ވަނީ ބައިވެރި ވެފައެވެ.
އުއްޗުގެ ދައުވަތަކަށް ބޭއްވި މި ޝޯވްއަކީ، ފާއިތުވި ބޮޑު އީދުގައި އެ ގުރޫޕަށް ބޮޑު ތަރުހީބު ފާހަގަ ކުރުމުގެ ބޭއްވި ޚާއްސަ ޝޯވްއެކެވެ. މި ޝޯވްގައި ނަށާ ގުރޫޕުން ރީތި ހުށަހެޅުން ދެއްކިއިރު، އުއްޗުވަނީ އެ ގުރޫޕަށް ޚާއްސަ ހަދިޔާއެއްވެސް އަރުވާފައެވެ.
ކަމަދޫ ނަށާ ގުރޫޕުން ބޮޑު އީދުގައި ހުށަހަޅާދިން ނެގުމާއި، ބަނޑިޔާ ޖެހުން ފަދަ ހަރަކާތްތަކަށް ގިނަ ބައެއްގެ ސަމާލުކަން ހުއްޓިގެން ދިޔައެވެ. އޭގެ ތެރެއިންވެސް، ނަށާ ގުރޫޕުގެ ކަނބަލުން ހުށަހަޅާދިން ދަފި ނެގުމުގެ ހަރަކާތަށް ގިނަ ބައެއްގެ ތަރުހީބު ލިބިގެން ދިޔައެވެ.
މިހާރު އާންމު ވެފައިވާ ސޯޝަލް މީޑިއާގެ ވީޑިއޯތަކުން ފެންނަ ގޮތުގައި، މި ގުރޫޕު އެ ރިސޯޓަށް ގޮސްފައިވަނީ ސީ ޕްލޭންގައެވެ. އަދި އެރިސޯޓުންވަނީ މި ގުރޫޕަށް ވަރަށް ހޫނު މަރުހަބާއެއް ކިޔާފައެވެ.
އުއްޒުއަކީ ރީތި ލަވަކިޔުންތެރިންނާއި އަދި މަޝްހޫރު ފިލްމީ ތަރިންނަށްވެސް އޭނާގެ ރިސޯޓަށް ދައުވަތު ދެއްވާ ފަރާތެއްކަން ފާހަގަ ކޮށްލެވެއެވެ.
