އިންޑިއާގެ ކެރެލާގައި ސިކުނޑިއަށް ޖެހޭ ނުރައްކާތެރި ބައްޔެއް ކަމަށްވާ، "ބްރެއިން އީޓިން އެމީބާ އިންފެކްޝަން" ފެތުރެމުންދާތީ، އާންމު ސިއްހަތާމެދު އިންޑިއާއަށް ދާ ދިވެހިން ސަމާލުވާން އެދިއްޖެއެވެ.
ކޮންސިއުލޭޓް ޖެނެރަލް ނެރުއްވި ބަޔާނެއްގައި ވަނީ ކެރެލާގެ ސިއްހީ ވުޒާރާތަކުން "ބްރެއިން އީޓިން އަމީބާ އިންފެކްޝަން" އެ ސަރަހައްދުގައި ފެތުރިދާނެ ކަމުގެ އިންޒާރު ދީފައިވާކަމަށާއި، އަދި ސިއްހަތަށް ސަމާލުވުމަށް އިރުޝާދު ދީފައިވާ ކަމުގައެވެ.
ބްރެއިން އީޓިން އެމީބާ އިންފެކްޝަނާ ގުޅިފައިވާ އަލާމާތްތަކުގެ ތެރޭގައި ބޮލުގައި ރިއްސުން، ހުން އައުން، ބޮލުގައި ރިއްސުން، ކަނދުރާއަށް ނާރުއެރުން، ފިޓު ޖެހުން، އަދި ބޯ އެނބުރުން އަދި ހާސްވުން ހިމެނޭކަމުގައެވެވެ.
މިއިން އެއްވެސް އަލާމާތެއް ފެންނަ ފަރާތްތަކުން ވަގުތުން ފަރުވާ ހޯދުމަށް ކޮންސިއުލޭޓް ޖެނެރަލް ވަރަށް ބޮޑަށް އިލްތިމާސް ކުރައްވައެވެ. މި ބަލި ޖެހެނީ ނޭފަތުން ނުވަތަ ކަންފަތުން ތަޣައްޔަރުވެފައިވާ ފެން އެތެރެއަށް ދިއުމުންކަމަށް ވާތީ ކޮންސިއުލޭޓް ޖެނެރަލް ވަނީ މި ދުވަސްވަރު ކޯރިތަކާއި އެހެނިހެން ފީނާ ފަތާ ނުހެދުމަށް ހިތްވަރު ދީފަ އެވެ.
މީގެ އިތުރުން ސްވިމިންޕޫލްތަކުގެ ސަބަބުން ވެސް އިންފެކްޝަން ޖެހުމުގެ ފުރުސަތު އޮންނާނެ ކަމަށާއި، ފެން އެޅުމުން ރައްކާތެރިކަމުގެ ފިޔަވަޅެއްގެ ގޮތުން ކަންފަތް ފޮރުވުމަށް އިޔަބަޑް ނުވަތަ ނޭފަތުގެ ކްލިޕް ތައް ބޭނުން ކުރުމަށް ވެސް އެ ފަރާތްތަކުން ވަނީ ލަފާދީފަ އެވެ.
