ބޮލީވުޑްގެ  ނަންމަޝްހޫރު ދެ ތަރިން ކަމުގައިވާ އަޔުޝްމާން ކުރާނާ އާއި ކަރީނާ ކަޕޫރު އެކުގައި ކުޅޭ ފިލްމް ގެ ނަމަކީ "ދާއިރާ" ކަމަށް ރިޕޯޓްތައް ބުނެފި އެވެ.

މި އަހަރުގެ ފަހުކޮޅު ޝޫޓިން ފަށަން ހަމަޖެހިފައިވާ މި ފިލްމަކީ އިންޑިއާގެ ހައިދަރުއާބާދުގައި ހިންގި ރޭޕްގެ ހާދިސާއެއްގައި ޝާމިލުވާ ބަޔަކު ފުލުހުންގެ ބެލުމުގެ ދަށަށް ގެންގޮސް، ފުލުހުން އެ މީހުން މަރައިލި ކަމަށް ތުހުމަތުކުރާ މައްސަލަގަނޑަށް ބިނާކޮށް ހަދަން ހަމަޖެހިފައިވާ ފިލްމެއް ކަމަށެވެ.

 

View this post on Instagram

 

A post shared by Kareena Kapoor Khan (@kareenakapoorkhan)

މީޑިއާއިން ބުނާގޮތުގައި މިދެމީހުން ހިމަނައިގެން މި ފިލްމް ހަދަނީ ޑައިރެކްޓަރު މެގްނާ ގުލްޒާރުއެވެ. މި ފިލްމެއް ހެދުމުގެ ތައްޔާރީތައް އަންނަނީ ވަމުންނެވެ. މި ފިލްމް އަކީ މިދެތަރިން އެކުގައި ފެނިގެންދާ އަލަތު ފިލްމްއެވެ.

ނަމަވެސް ރަސްމީކޮން އަދި އެއްވެސް ފަރާތަކުން މި ފިލްމް އާއި ބެހޭގޮތުން އެއްވެސް މައުލޫމާތެއް ހިއްސާ ކޮށްފައިއެއް ނުވެއެވެ. އަދި މިދެތަރިން ކުރެ އެއްވެސް ތަރިއަކު ވެސް އެކުގައި ފިލްމް ކުޅުމާއި ބެހޭގޮތުން އެއްވެސް އެއްޗެއް ބުނެފައިއެއް ނުވެއެވެ.

 

View this post on Instagram

 

A post shared by Ayushmann Khurrana (@ayushmannk)

"ތަލްވާރު" އާއި "ރާޒީ" އަދި "ޗަޕާކް" ފަދަ ސީރިއަސް ފިލްމުތަކެއް ގެނެސްދިން މެގްނާގެ އެންމެ ފަހުގެ ފިލްމަކީ މިދިޔަ އަހަރު ވިކީ ކޯޝަލާ އެކީ ގެނެސްދިން ބައޮގްރަފިކަލް ހަނގުރާމަ ފިލްމު "ސޭމް ބަހާދޫރް" އެވެ. މެގްނާ އަކީ ކުރީގެ މަޝްހޫރު ބަތަލާ ރާކީ އާއި ކުޅަދާނަ ޅެންވެރިޔާ ގުލްޒާރުގެ ހަމައެކަނި ދަރިފުޅެވެ.