ސިއްރު އިންސްޓަގްރާމް އެކައުންޓެއް ގެންގުޅޭ ކަމަށް ބޮލީވުޑްގެ އެކްޓަރު ސައިފް އަލީ ހާން ބުނެފިއެވެ.
އިންސްޓަގްރާމްގައި ސިއްރު އެކައުންޓެއް ގެންގުޅޭ ކަމަށް ސައިފް ބުނީ ދާދި ފަހުން އިންޑިއާގެ ނޫހެއް ކަމަށްވާ "ހިންދުސްތާން ޓައިމްސް" އަށް ދިން އިންޓަވިއުއެއްގަ އެވެ.
ސައިފް ބުނީ އިންސްޓަގްރާމް އެޕް ފޯނަށް އަޅާފައިި އިނަސް، އޭނާ އެ ސޯޝަލް މީޑިއާ ޕްލެޓްފޯމަށް ގިނައިން ވަންނަނީ ބްރައުޒާ އިން ކަމަށެވެ. އިންސްޓަގްރާމަކީ އޭނާ މާ ގަޔާވާ އެއްޗެއް ނޫން ކަމަށް ވެސް ސައިފް ބުންޏެވެ.
އާންމުކޮން ފޮތް ކިއުމަށް ޝައުގު ހުންނަ ސައިފް ބުނާ ގޮތުގައި މިހާރު އާންމުވެގެން އުޅޭ ސޯޝަލް މީޑިއާ އަކީ ވަރަށް ވަގުތު ބޭކަރު ކުރުވާ އެއްޗެއް ކަމަށާއި އެފަދަ ކަންތަށް ތަކުން އޭނާ ވަރަށް ބޮޑަށް ދުރުހެިވާ ކަމަށެވެ. ސައިފް ގެ ހިޔާލު މި ގޮތަށް ހުރި ނަމަވެސް އޭނާގެ އަންހެނުން އަދި ބަތަލާ ކަރީނާ ކަޕޫރު އަކީ ސޯޝަލް މީޑިއާއާއި ވަރަށް ރަހުމަތްތެރި ފަރާތެކެވެ.
View this post on Instagram
މިކަމާ ބެހޭ ގޮތުން މީޑިއާއަކާ ވާހަކަ ދައްކަމުން 53 އަހަރުގެ އެކްޓަރު ބުނީ ސޯޝަލް މީޑިއާ އަކީ އެހާ ކަމުދާ އެއްޗެއް ނޫން ކަމަށެވެ. އޭނަ ބުނީ ސޯޝަލް މިޑިއާ އަކީ އޭގެ ސަބަބުން ފައިދާތަކެއް ވާ އެއްޗެއް ކަމަށް ގަބޫލުކުރާ ކަމަށެވެ. އެކަމަކު އެ ބޭނުން ކުރާ މީހުން އެ އެއަށް ދެވި ހިފައި އެ މީހެއްގެ ދިރިއުޅުމުގައި ހިނގާ ހުރިހާ ކަމެއް ސޯޝަލް މީޑިއާގައި ޕޯސްޓްކުރުމަކީ ރަނގަޅު ކަމެއް ނޫން ކަމަށް ވެސް ސައިފްވަނީ ބުނެފައިއެވެ.
ސައިފް އެންމެ ފަހުން ފެނުނީ މިދިޔަ އަހަރު ނުކުތް ފިލްމު "އަދިޕުރުޝް" އެވެ. އަދި ކަރީނާގެ އެންމެ ފަހުން ފެނުނީ މި އަހަރު ނުކުތް ފިލްމު "ކްރޫ" އިންނެވެ.
