ބޮލީވުޑްގެ އަރަމުން އަންނަ ޒުވާން ބަތަލާ ޖާންވީ ކަޕޫރު އާއި ސައުތުގެ މަޝްހޫރު އެކްޓަރު ސޫރިއާ އާއި އެކުގައި ހަދަން ނިންމި ބޮޑު ބަޖެޓް ހުރާފީ ފިލްމު "ކަރްނާ" ނަހަދަން މިހާރު ނިންމާފައިވާ ކަމަށް ރިޕޯޓްތައް ބުނެފި އެެވެ.
މިހާރު ވެސް ސައުތުގެ އެންމެ މަޝްހޫރު އެއް އެކްތަރު އެންޓީއާރް ޖޫނިއާ އާއި އެކުގައި ފިލްމް އެއްގެ މަސައްކަތް ކުރަމުން އަންނަ ޖާންވީ އަށް އިތުރު ބޮޑު ތިން ޕްރޮޖެކްޓެއް ލިބިފައިވާ ކަމަށް ރިޕޯޓްތައް ބުނެފައިވަނީ މިދިއަ އަހަރުގެ ފަހުކޮޅުގައިއެވެ. އެތަނުން އެއް ޕްރޮޖެކްޓް އަކީ "ކަރްނާ"އެވެ.
View this post on Instagram
މި ފިލްމަކީ ބެލުންތެރިންގެ މެދުގައި ވަރަށް ބޮޑު މަގުބޫލު ކަމެއް ހޯދި 2006 ގެ "ރަންގް ދެ ބަސަންތީ" ގެނެސްދިން ޑައިރެކްޓަރު ރާކޭޝް އޯމްޕްރަކާޝް މެހެރާގެ ޑްރީމް ޕްރޮޖެކްޓެވެ.
ފިލްމީ ޚަބަރުތައް ގެނެސްދޭ މީޑިއާތަކުން ފަރުހާން އަޚްތަރާއި ރިތޭޝް ސިދުވާނީގެ އެކްސަލް އެންޓަޓައިންމަންޓުން ހަދަން ނިންމި "ކަރްނާ" ނަހަދަން ނިންމީ ފިލްމަށް ހަރަދު ކުރަން ނިންމި 350 ކްރޯޑް ރުޕީސް (42 މިލިއަލް ޑޮލަރު) ގެ ތެރެއިން ފިލްމުގެ ޕްރީ-ޕްރޮޑަކްޝަނާއި ލުކް ޓެސްޓަށް 15 ކްރޯޑް (2 މިލިއަން ޑޮލަރު) ހޭދަކޮށްފައި ވަނިކޮށް ކަމަށެވެ.
View this post on Instagram
ނަމަވެސް ކަރްނާ އަށް ވާން ޖެހޭ ގިނަ ތައްޔާރީތަކެއް ވެފައި ވަނިކޮށް ފިލްމު ހުއްޓައިލަން ނިންމި ސީދާ ސަބަބެއް ސާފު ނުވާ ކަމަށް ބޮލީވުޑްގެ ހބަރުތަށް ގެނެސްދޭ ނޫސްތަކުން ބުނެވެ. އަދި މިކަމާ ބެހޭ ގޮތުން މެހެރާ އާއި އެކްސަލް ވެސް ރަސްމީކޮށް އަދި ވަކި އެއްޗެއް ނުބުނެ އެވެ.
