10 މީހުންނާއެކު ދަތުރުކުރަމުން ދަނިކޮށް ފަރަށް އެރި ދޯންޏަކަށް އެމްއެންޑީއެފްއިން އެހީތެރިކަން ފޯރުކޮށް ދީފިއެވެ.
އެމްއެންޑީއެފްއިން ބުނެފައިވަނީ، 10 މީހުންނާއެކު ށ. ވަނގާރުން މާލެ ދަތުރުކުރި 75 ފޫޓުގެ "ނަސްފަރު" ނަމަކަށް ކިޔާ ދޯންޏެއް، ރޭ ދަންވަރު ނ.ލޯފަރު ފަރަށް އަރައި ދިޔަވާތީ، އެ ދޯންޏަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން ހަރަކާތްތެރިވާން ފަށާފައިވާ ކަމުގައެވެ.
