މި ހަފްތާގައި އެންމެނަށް ހައިރާންކަން ލިބިގެން ދިއަ އެއް ހަބަރަކީ ބަތަލާ ހިނާ ހާން އަށް އުރަމަތީ ކެންސަރު ޖެހުނު ކަމުގެ ހަބަރެވެ. މި ހަބަރު ސޯޝަލް މީޑިއާގައި އާންމު ކުރުމާއި އެކުގައި ވަނީ ގިނަބޔަކު އޭނާ އަށް ހެޔޮދުއާ ކޮށްފައިއެވެ.
ހީނާ ހާން އަނަނީ މިބަލީގައި އޭނާ ނަގަމުން އަންނަ ފަރުވާތަށް އިންސްޓަގްރާމް މެދުވެރިކޮށް ހިއްސާ ކުރަމުންނެވެ. އެގޮތުން އޭނަ އިންސްޓަގްރާމް ޕޯސްޓެއްގައި މިއަދު ބުނީ ކީމޯގެ ފުރަތަމަ ސެޝަން ނެގީ ރޭ ކަމަށެވެ.
އަދި މިކަމާ ވަރަށް ކެތްތެރިކަމާ އެކީ ކުޔުރިމަތިލާން ބޭނުންވާ ކަމަށާއި އުރަމަތީގެ ކެންސަރު ފަދަ ބަލީގެ ޝިކާރައަކަށްވެއްޖެ ނަމަ އެފަދަ ކަންކަމާ ހިތްވަރާ އެކީ ކުރިމަތިލައި، ފަރުވާ އަވަސްކޮށް، ބަލިން ފަސޭހަވާން އެންމެން ވެސް މަސައްކަތް ކުރަން ޖެހޭނެ ކަމަށް ހީނާ ބުންޏެވެ.
View this post on Instagram
ދެ ފަހަރެއްގެ މަތިން އުމްރާގެ އަޅުކަން ވެސް އަދާކޮށްފައިވާ ހީނާ އާންމުންގެ ތެރޭގައި މަޝްހޫރު ވެގެން ދިއައީ ދިޔައީ ސްޓާ ޕްލަސް އިން ގެނެސްދޭ "ޔޭ ރިޝްތާ ކިޔާ ކެހެލާތާ ހޭ" ގައި ކުރިން ކުޅުނު އަކްޝަރާގެ ރޯލުންނެވެ. އެ ރޯލާއި އެކުގައި އޭނާގެ މަގުބޫލުކަން ބޮޑު އާންމުން ގެ ބޮޑު ތައުރީފެއް ވަނީ ލިބިގެން ގޮސްފައިއެވެ.
