ބޮލީވުޑްގެ ކުރީގެ އެކްޓަރު ޝަތުރުގަން ސިންހާ (ސަތަރޭ) ހޮސްޕިޓަލްގައި އެޑްމިޓްކޮށް ފަރުވާ ދެމުން އަންނަ ކަމަށް އާއިލާ އިން ބުނެފި އެވެ.
މީޑިއާތަކުން ބުނީ ސަތަރޭ އެޑްމިޓްކުރީ މި މަހުގެ 23 ވަނަ ދުވަހު އަންހެން ދަރިފުޅު ސޮނާކްޝީ ސިންހާ ކައިވެނި ކުރިތާ ދެ ދުވަސް ފަހުން ކަމަށެވެ. އެ ކައިވެނީގެ ހަފުލާގައި ސަތަރޭ ވަރަށް ހަރަކާތްތެރިކޮށް އުޅުނެވެ. ސަތަރޭ ހޮސްޕިޓަލުގައި އެޑްމިޓްކޮށްފައިވާކަން އޭނާގެ ދަރިފުޅު އަދި އެކްޓަރު ލަވް ސިންހާ ވަނީ ކަށަވަރުކޮށްދީފަ އެވެ.
ސަތަރޭ އެޑްމިޓްކޮށް ފަރުވާ ދެމުން އަންނަ މުމްބާއީގެ ކޮކީލާބެން ދިރުބާއީ އަމްބާނީ ހޮސްޕިޓަލްގަ އެވެ. މިކަމާ ބެހޭ ގޮތުން ސަތަރޭ، 77، ގެ އެއްމާބަނޑު ދެ ފިރިހެން ކުދިންގެ ތެރޭގައި ހިމެނޭ އެކްޓަރު ލަވް ސިންހާ، ވަނީ ވާހަކަ ދައްކައިފައިއެވެ.
View this post on Instagram
އޭނާ އިންޑިއަން އެކްސްޕްރެސް އަށް ބުނީ ބައްޕަ އެޑްމިޓްކުރީ ވައިރަލް ހުމެއްގެ ސަބަބުން ކަމަށެވެ. އެހެންވެ ސަތަރޭގެ ސިއްހަތާ މެދު ކަންބޮޑުވާން ޖެހޭ ވަރުގެ ކަމެއް ނެތް ކަމަށާއި ހާލު ރަނގަޅު ކަމަށް ބުންޏެެވެ.
