2001 ވަނަ އަހަރު ގެނެސްދިން ކާމިޔާބު ފިލްމް "ކަސޫރު" ގެ ލީޑުން ފެނިގެންދާ ކުރީގެ މަޝްހޫރު އެކްޓަރު އަފްތާބް ޝިވްދަސާނީ އަނެއްކާ ވެސް އެ ނަން ކިޔާ ފިލްމެއް ކުޅެން ތައްޔާރުވާން ފަށައިފި އެވެ.
މިހާރު ވަރަށް މަދުން ފިލްމުތަކުން ފެންނަ އަފްތާބް ކުރިން ކުޅުނު "ކަސޫރު" އަކީ ސައިކޮލޮޖިކަލް ތުރިލާއެކެވެ. އެއީ ބަޓް ކޭމްޕަށް ވިކްރަމް ބަޓް ޑައިރެކްޓްކުރި ފިލްމެކެވެ. "ކަސޫރު" ގެ ބަތަލާ އަކީ ލީސާ ރޭ އެވެ.
މި ފަހަރުގެ "ކަސޫރު" އަކީ ލޯބީގެ ބިރުވެރި ފިލްމެކެވެ. އޮގަސްޓް މަހު "ކޭލް ކޭލް މޭ" ގެނެސްދޭން ތައްޔާރުވަމުން އަންނަ ޑައިރެކްޓަރު މުދައްސަރު އަޒީޒުގެ ސްކްރީންޕްލޭއަކަދް ހަދާ "ކަސޫރު" ގެ ޑައިރެކްޓަރަކީ ގްލެން ބަރެޓޯ އެވެ.
މި ފިލްމްގެ ކާސްޓްގައި އުރްވަޝީ ރޮޓޭލާ ވެސް ހިމެނޭ ފިލްމުގެ ޕްރޮޑިއުސަރަކީ ދާދި ފަހުން ރިލީޒްކުރި މަނޯޖް ބަޖްޕާއީގެ "ސިރުފް އޭކް ބަންދާ ކާފީ ހޭ" ގެނެސްދިން އާސިފް ޝެއިހް އެވެ.
